الماتى اكىمى دارحان ساتىبالدى وقۋشىلار سارايىنا بارىپ، قالانىڭ ەڭ ءىرى قوسىمشا ءبىلىم بەرۋ ورتالىعىنىڭ قىزمەتىمەن تانىستى.
1983 جىلدان بەرى جۇمىس ىستەيتىن بۇل مەكەمە جىل سايىن 6-17 جاس ارالىعىنداعى بالالارعا سپورتتىق، كوركەم-قولدانبالى، عىلىمي-تەحنيكالىق، ەكولوگيالىق، تۋريستىك-ولكەتانۋ، الەۋمەتتىك-پەداگوگيكالىق جانە مۋزىكالىق باعىتتار بويىنشا باعدارلاما ۇسىنادى. بۇگىندە وقۋشىلار سارايىندا 15,1 مىڭنان استام بالا ءبىلىم الىپ ءجۇر، ولاردىڭ 7,9 مىڭنان استامى تۇراقتى تۇردە قاتىسىپ ءجۇر. 200-دەن استام مۇعالىم وقۋ كابينەتى، زەرتحانا، باسسەينى بار سپورت كەشەنى، پلانەتاري، وبسەرۆاتوريا جانە شىعارماشىلىق ستۋديادا ساباق بەرەدى.
دارحان ساتىبالدى ورتالىقتىڭ ينفراقۇرىلىمىمەن تانىسىپ، كلاسسيكالىق مۋزىكا جانە روبوتوتەحنيكا سىنىپتارىن ارالادى. الماتى اكىمى مۇنداي باعىتتاردى دامىتۋ مەملەكەت باسشىسى جۇكتەگەن تاپسىرمالاردى ىسكە اسىرۋ اياسىندا جۇرگىزىلىپ جاتقانىن، ال قوسىمشا ءبىلىم بەرۋ باعدارلامالارىنىڭ مازمۇنى مەن الۋان تۇرلىلىگى بالالاردىڭ جان-جاقتى دامۋىنىڭ ماڭىزدى بولىگى ەكەنىن اتاپ ءوتتى.
بارلىق بولمە تاۋلىك بويى بەينەباقىلاۋمەن، ءورت دابىلىمەن جانە زاماناۋي قاۋىپسىزدىك جۇيەلەرىمەن جابدىقتالعان. دارحان ساتىبالدى قوسىمشا ءبىلىم بەرۋ نىساندارىنىڭ ماتەريالدىق-تەحنيكالىق بازاسىن ودان ءارى نىعايتۋ قاجەتتىگىن ايتتى.
جۇمىس ساپارى بارىسىندا قالا اكىمى الماتى مۋزەيىنە دە بارىپ، ەكسپوزيتسيامەن قاتار، مەكەمەنىڭ قىزمەتىمەن تانىستى. 2002 جىلى قۇرىلعان مۋزەي بۇگىندە جەتىسۋ ءوڭىرىنىڭ تاريحي-مادەني مۇراسىنان سىر شەرتەتىن قالانىڭ جەتەكشى مادەني ورتالىقتارىنىڭ ءبىرى. مۋزەي قورىندا 40 مىڭعا جۋىق ەكسپونات بار، ولاردىڭ قاتارىندا ارحەولوگيالىق ولجالار، ءتۇرلى داۋىرلەردىڭ ەتنوگرافياسى مەن تۇرمىس بۇيىمدارى، فوتودەرەكتەر، بەينەلەۋ ونەرىنىڭ تۋىندىلارى جانە الماتى قالاسىنىڭ مىڭجىلدىق تاريحىن قامتيتىن بىرەگەي توپتامالار بار.
ەجەلگى قونىس كەزەڭىنەن قازىرگى مەگاپوليسكە دەيىنگى ۋاقىتتى قامتيتىن ەكسپوزيتسيا 11 تاقىرىپتىق زالدا ورنالاسقان. اكىمگە LED-ەكران، اقپاراتتىق قۇرىلعى، پروەكتسيالىق جۇيە جانە ينتەراكتيۆتى كەسكىندەمە سىندى مۋزەيدىڭ زاماناۋي مۋلتيمەديالىق شەشىمدەرى كورسەتىلدى. دارحان ساتىبالدى تاريحي-مادەني مۇرانى ساقتاۋ مەن مادەني نىسانداردىڭ قالا تۇرعىندارى مەن قوناقتارى ءۇشىن قولجەتىمدىلىگىن ارتتىرۋدىڭ ماڭىزدىلىعىن اتادى.
