فوتو جي كومەگىمەن جاسالعان
2026 جىلعى 4 قازاننان باستاپ الماتىداعى كوممۋنالدىق اقىلى اۆتوتۇراقتاردىڭ ءتاريفى وزگەرەدى، دەپ حابارلايدى “ادىرنا”.
باعا كوشەدەگى كولىك جۇكتەمەسى مەن تۇراق ورىندارىنا سۇرانىسقا قاراي بەلگىلەنەدى.
جاڭا تاريفتەر:
* 100 تەڭگە – كولىك قوزعالىسى از ۋچاسكەلەردە;
* 150 تەڭگە – ورتاشا جۇكتەمەدەگى اۋماقتاردا;
* 200 تەڭگە – سۇرانىسى جوعارى جانە تۇراق ورىندارى تاپشى ۋچاسكەلەردە.
بۇعان دەيىن الماتىداعى اقىلى تۇراقتىڭ بىرىڭعاي ءتاريفى ساعاتىنا 100 تەڭگە بولعان. بۇل باعا 2016 جىلدان بەرى وزگەرمەگەن.
تۇرعىن ۇيلەردىڭ ماڭىنداعى تۇراقتاردا سول ۇيلەردىڭ تۇرعىندارى ءۇشىن جەڭىلدىك ساقتالادى. تۇرعىندار ۇيىنە جاقىن تۇراقتا ءبىر كولىكتى تەگىن قويۋعا رۇقسات راسىمدەي الادى.
قالا اكىمدىگىنىڭ مالىمەتىنشە، تاريفتەردى سارالاۋ تۇراق ورىندارىن ءتيىمدى پايدالانۋعا، بوس ورىن ىزدەۋ ۋاقىتىن قىسقارتۋعا جانە جولداعى كولىك جۇكتەمەسىن ازايتۋعا باعىتتالعان.
بۇدان الدىن الماتىدا قازان ايىنان باستاپ سۋ ترايفتەرى قىمباتتايتىنى حابارلانعان.
