Almatydaǧy «Qazaqfilm» kinostudiiasynyŋ aldynda animasiia salasynyŋ mamandary jinalyp, basşylyqtan qorlyq körgenın aitty, dep habarlaidy “Adyrna” ūlttyq portaly.
Jinalǧandardyŋ sözınşe, studiianyŋ uaqytşa basşysy Aidar Omarov animasiialyq bölımdı Astanaǧa köşıru turaly şeşımdı qyzmetkerlerge eskertpesten qabyldap jıbergen. Al animatorlardy «Qazaqfilm» aumaǧyna mülde kırgızbei qoiǧan. Erlan Töleutai oqiǧa ornynan beine jariialady.
«Qazaq ūlttyq animasiia ökılderı, bırneşe buyn ökılderı, suretşıler, prodiusserler, rejisserler, jeke studiialardyŋ ökılderı bar. Qazaq filmnıŋ aldyna jinalyp otyrmyz. Bırden aityp ketu kerek būl ereuıl emes. Jinalǧan sebebımız — «Qazaqfilmnıŋ» prezidentı mındetın uaqytşa atqaruşy Aidar Omarov degen kısınıŋ myna qazaq animasiia şyǧarmaşylyq bırlestıgın jauyp, ony Astanaǧa köşıremın degen şeşımı. Būl kımnıŋ şeşımı? Aidar Omarovtyŋ şeşımı me? Älde Aidar Omarov aitqandai ministr Aida Balaevanyŋ şeşımı me? Bız osy sūraqtarǧa jauap ızdep keldık», — beinejazbada bır er adam osylai nazyn aitqan.Narazy animasiia qyzmetkerlerınıŋ sözınşe, «Qazaqfilmnıŋ» basşylary kelısımşarttardy elemegen.
«Qanşama mamandar tūr?!. Barlyǧy animasiia ökılderı barlyǧy osymen kün körıp jürgen, animasiiaǧa jany aşityn adamdar osy jerde jinalyp otyr. Astanada emes, Almatyda. Jūmys älı bastalmady. Qarajaty, jospary, kelısımşart, qūjattary bärı daiyn. Bıraq ökınışke qarai mıne jūmys bastalar emes. Mıne ūjym bolyp Aidar Omarov degen kısını şaqyryp sūraq qoiaiyn dep otyrmyz. Sol sūraqtardyŋ bügın jauabyn almai ketpeimız», — dedı er adam.Kinosy şeteldık baiqaudan üş bırdei jüldenı alǧan rejisser Elzat Eskendır de söz söilegen.
«Mınekei, «Qazaqfilmnıŋ» uaqytşa basşysy Aidar Omarov bastaǧan «sabotaj» mıne bır jyl bop qaldy. Älı jalǧasuda. Būl Aidar Omarov degen uaqytşa basşy kinogerlerdıŋ qanyn ışude. Bızdıŋ eŋbek qūqyǧymyzdy taptauda. «Samovolno» ıs qyluda. Oiyna kelgenın ısteude. Osyndai «bespredel», bylaişa aitqanda «Qazaqfilm» qazır «banditizmnıŋ oşaǧyna ainalyp otyr. Öitkenı olar oiyna ne kelse sony ısteidı. Aiyram dese, jūmystan aiyra salady. Mynau tūrǧan elımızdıŋ jas buyn suretkerlerı. Animatorlary, rejisserlerı, myna arbaǧa taŋylyp otyrǧan rejisser apamyz bızdıŋ. Ämen Qaidarovtyŋ zamandastary. Olar bügın Ämen Qaidarovtyŋ qara şaŋyraǧyn Astanaǧa mūndai bandittıŋ jolmen köşırıp äketuıne qarsy. Bız bärımız qarsymyz! Aida Balaeva, myna Aidar Omarov atty orynbasaryŋdy alyp ket bızden! Qūtqar bızdıŋ «Qazaq filmdı»! Qūtqar bızdıŋ animasiiany myna sūmdyqtan!», — dedı Elzat Eskendır.
Ūqsas jaŋalyqtar
