پەريزات قايرات باسقارعان Biz Birgemiz Qazaqstan 2030 قوعامدىق بىرلەستىگى تاراتىلۋى مۇمكىن، دەپ حابارلايدى "ادىرنا" ۇلتتىق پورتالى.
بۇل تۋرالى ادىلەت مينيسترلىگى مالىمدەدى.
اتالعان ۇيىم 2021 جىلدىڭ قازان ايىندا تىركەلگەن. ال 2025 جىلعى 14 اقپاندا بىرلەستىكتى ءماجبۇرلى تۇردە تاراتۋ تۋرالى سوتقا تالاپ-ارىز بەرىلدى.
"2025 جىلدىڭ 14 اقپانىندا استانا قالاسىنىڭ مامانداندىرىلعان اۋدانارالىق ەكونوميكالىق سوتىنا جوعارىدا اتالعان بىرلەستىكتىڭ مەملەكەتتىك تىركەۋىن جارامسىز دەپ تانۋ جانە ونى ءماجبۇرلى تۇردە تاراتۋ تۋرالى تالاپ-ارىز جولداندى", – دەپ حابارلادى ادىلەت مينيسترلىگى.
بۇل شەشىمگە قارجى مونيتورينگى اگەنتتىگىنىڭ ءوتىنىشى نەگىز بولعان. اگەنتتىك ۇيىمدى تىركەۋ بارىسىندا جويىلمايتىن زاڭ بۇزۋشىلىقتاردىڭ ورىن العانىن انىقتاعان.
مۇنداي زاڭبۇزۋشىلىقتار سوت شەشىمىمەن زاڭدى تۇلعانى تاراتۋعا نەگىز بولا الادى.
ەسكە سالا كەتەيىك، قارجىلىق مونيتورينگ اگەنتتىگى "Biz Birgemiz" قايىرىمدىلىق قورىنىڭ باسشىسى پەريزات قايراتتىڭ ۇستالعانىن حابارلادى. وعان كوكتەمگى سۋ تاسقىنىنان زارداپ شەككەن ازاماتتارعا كومەكتەسۋ ءۇشىن جينالعان 1,5 ملرد تەڭگەدەن استام قاراجاتتى جىمقىردى دەگەن ايىپ تاعىلعان بولاتىن.
