Perızat Qaırat basqarǵan Biz Birgemiz Qazaqstan 2030 qoǵamdyq birlestigi taratylýy múmkin, dep habarlaıdy "Adyrna" ulttyq portaly.
Bul týraly Ádilet mınıstrligi málimdedi.
Atalǵan uıym 2021 jyldyń qazan aıynda tirkelgen. Al 2025 jylǵy 14 aqpanda birlestikti májbúrli túrde taratý týraly sotqa talap-aryz berildi.
"2025 jyldyń 14 aqpanynda Astana qalasynyń mamandandyrylǵan aýdanaralyq ekonomıkalyq sotyna joǵaryda atalǵan birlestiktiń memlekettik tirkeýin jaramsyz dep taný jáne ony májbúrli túrde taratý týraly talap-aryz joldandy", – dep habarlady Ádilet mınıstrligi.
Bul sheshimge Qarjy monıtorıngi agenttiginiń ótinishi negiz bolǵan. Agenttik uıymdy tirkeý barysynda joıylmaıtyn zań buzýshylyqtardyń oryn alǵanyn anyqtaǵan.
Mundaı zańbuzýshylyqtar sot sheshimimen zańdy tulǵany taratýǵa negiz bola alady.
Eske sala keteıik, qarjylyq monıtorıng agenttigi "Biz Birgemiz" qaıyrymdylyq qorynyń basshysy Perızat Qaırattyń ustalǵanyn habarlady. Oǵan kóktemgi sý tasqynynan zardap shekken azamattarǵa kómektesý úshin jınalǵan 1,5 mlrd teńgeden astam qarajatty jymqyrdy degen aıyp taǵylǵan bolatyn.
