Perizat Qairat basqarǧan qoǧamdyq bırlestık taratyluy mümkın

Perizat Qairat basqarǧan Biz Birgemiz Qazaqstan 2030 qoǧamdyq bırlestıgı taratyluy mümkın, dep habarlaidy "Adyrna" ūlttyq portaly. Būl turaly Ädılet ministrlıgı mälımdedı. Atalǧan ūiym 2021 jyldyŋ qazan aiynda tırkelgen. Al 2025 jylǧy 14 aqpanda bırlestıktı mäjbürlı türde taratu turaly sotqa talap-aryz berıldı. "2025 jyldyŋ 14 aqpanynda Astana qalasynyŋ mamandandyrylǧan audanaralyq ekonomikalyq sotyna joǧaryda atalǧan bırlestıktıŋ memlekettık tırkeuın jaramsyz dep tanu jäne ony mäjbürlı türde taratu turaly talap-aryz joldandy", – dep habarlady  Ädılet ministrlıgı. Būl şeşımge Qarjy monitoringı agenttıgınıŋ ötınışı negız bolǧan. Agenttık ūiymdy tırkeu barysynda joiylmaityn zaŋ būzuşylyqtardyŋ oryn alǧanyn anyqtaǧan. Mūndai zaŋbūzuşylyqtar sot şeşımımen zaŋdy tūlǧany taratuǧa negız bola alady. Eske sala keteiık, qarjylyq monitoring agenttıgı "Biz Birgemiz" qaiyrymdylyq qorynyŋ basşysy Perizat Qairattyŋ ūstalǧanyn habarlady. Oǧan köktemgı su tasqynynan zardap şekken azamattarǧa kömektesu üşın jinalǧan 1,5 mlrd teŋgeden astam qarajatty jymqyrdy degen aiyp taǧylǧan bolatyn.