لاتۆيانىڭ سىرتقى ىستەر ءمينيسترى بايبا براجە قازاقستاندىق ءانشى جانداۋرەن ابلاەۆقا ەل اۋماعىنا كىرۋگە مەرزىمسىز تىيىم سالدى. ءانشى داۋگاۆپيلستە كونتسەرت قويۋى ءتيىس بولعان، دەپ حابارلايدى "ادىرنا" ۇلتتىق پورتالى.
مينيستر بۇل شەشىمنىڭ "يمميگراتسيا تۋرالى" زاڭنىڭ 61-بابىنىڭ 2-بولىگىنە سايكەس قابىلدانعانىن مالىمدەدى. بۇل باپ شەتەلدىك ازاماتتىڭ لاتۆياعا كىرۋى مەملەكەتتىك قاۋىپسىزدىككە، قوعامدىق تارتىپكە قاۋىپ توندىرەدى نەمەسە قۇقىق قورعاۋ ورگاندارىنىڭ جۇمىسىن قيىنداتۋى مۇمكىن دەگەن جاعدايدا شەكتەۋ قويۋعا مۇمكىندىك بەرەدى.
20 جاستاعى جانداۋرەن ابلاەۆ "داريتە جەنششينام تسۆەتى" جانە "پەسني نا كاسسەتە" حيت اندەرىمەن تانىمال. ونىڭ لاتۆياعا كىرۋىنە نە سەبەپ بولعانى ناقتى ايتىلماعانىمەن، بۇل شەشىم قوعامدا ءتۇرلى پىكىرتالاس تۋدىردى. ءانشىنىڭ ءوزى ازىرگە بۇل جاعدايعا بايلانىستى پىكىر بىلدىرگەن جوق.
