قازاقستان رەسپۋبليكاسىنىڭ سىرتقى ىستەر مينيسترلىگى پارسى شىعاناعى ەلدەرىندە قالعان ازاماتتاردى ەۆاكۋاتسيالاۋدىڭ بەلسەندى كەزەڭى باستالعانىن ايتتى، دەپ حابارلايدى "ادىران" ۇلتتىق پورتالى.
بۇل قادام يران، اقش جانە يزرايل اراسىنداعى جاعدايدىڭ كەنەت شيەلەنىسۋىمەن بايلانىستى.
ەۆاكۋاتسيالاۋ ءۇشىن نەگىزگى حابتار ومان مەن ساۋد ارابياسىندا ۇيىمداستىرىلعان.
قر سىرتقى ىستەر مينيسترلىگىنىڭ ورىنباسارى الىبەك باقاەۆ مالىمدەگەندەي، 3 ناۋرىزدا وماننىڭ استاناسىنان 467 ادام ەلگە جەتكىزىلۋى جوسپارلانعان. رەيستەردەگى ورىنداردىڭ شەكتەۋلى بولۋىنا بايلانىستى مينيسترلىك قاتىسۋشىلارعا قاتال ىرىكتەۋ كريتەريلەرىن ەنگىزگەن.
ء«بىرىنشى كەزەكتە ەۆاكۋاتسياعا ايەلدەر مەن كامەلەتكە تولماعان بالالار، 60 جاستان اسقان ادامدار جانە بەلگىلى ءبىر اۋرۋلارى بار ازاماتتار كىرەدى»، – دەدى ول.
سونىمەن قاتار، ونىڭ ايتۋىنشا، ەۆاكۋاتسيالاناتىن بالالاردىڭ ناقتى سانى رەيسكە وتىرعان كەزدە عانا بەلگىلى بولادى.
قازاحستاندىقتاردى ەلگە جەتكىزۋ ءۇشىن دجيددا (ساۋد ارابياسى) جانە ماسكات (ومان) قالالارىنا باعىتتالعان رەيستەر پايدالانىلادى.
