استانادا ەكس-شەنەۋنىك ەرجان باباقۇماروۆتىڭ ولىمىنە قاتىستى سوت ۇكىمى شىقتى، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەپ.
ەلورداداعى مامانداندىرىلعان اۋدانارالىق قىلمىستىق سوت قالا تۇرعىنىن قازاقستان رەسپۋبليكاسى قىلمىستىق كودەكسىنىڭ 99-بابى 1-بولىگى («ادام ءولتىرۋ») بويىنشا كىنالى دەپ تانىپ، 11 جىلعا باس بوستاندىعىنان ايىردى.
37 جاستاعى ەر ادام سوتتالۋشى دەپ انىقتالعان. ول بۇعان دەيىن دە قىلمىستىق جاۋاپكەرشىلىككە تارتىلعان. اتاپ ايتقاندا، 2025 جىلدىڭ ءساۋىر ايىندا ازاماتتىق جۇبايىن سوققىعا جىعىپ، وعان ورتاشا اۋىرلىقتاعى دەنە جاراقاتتارىن كەلتىرگەنى بەلگىلى بولدى.
ايتا كەتەيىك، ەكس-شەنەۋنىك ەرجان باباقۇماروۆ 2025 جىلدىڭ 30 قازانىندا قازا تاپقان. پوليتسيانىڭ الدىن الا دەرەگىنە سايكەس، ول تانىسىمەن بولعان جانجال كەزىندە سوققىعا جىعىلعان. سوزگە كەلىسپەۋشىلىك توبەلەسكە ۇلاسىپ، سالدارىنان 56 جاستاعى باباقۇماروۆ العان جاراقاتتارىنان كوز جۇمعان.
