28 aqpan men 2 naýryz aralyǵynda Shymbulaq taý shıpajaıynda frıstaıldan FIS álem kýbogy ótedi, dep habarlaıdy “Adyrna” ulttyq portaly sportburo.kz saıtyna siltep.
Saıys mogýldar, parallel mogýldar jáne shańǵy akrobatıkasy kezeńderinen turady.
Jarysqa álemniń 18-den astam elinen myqty sportshylar qatysady, Olımpıada oıyndarynyń, álem chempıonattarynyń júldegerleri, ótken kezeńderdiń jeńimpazdary keledi. Al jalpy qatysýshylar sany 100-den astam adamdy quraıdy.
Qatysýshy elder: Avstralııa, Kanada, Qytaı, Chehııa, Ispanııa, Fınlıandııa, Franııa, Ulybrıtanııa, Germanııa, Irlandııa, Japonııa, Koreıa, Shveıarııa, Shveııa, Ýkraına, AQSh, Qazaqstan.
Saıystardyń baǵdarlamasy:
25 aqpan – Komandalardyń resmı kelý kúni
28 aqpan – Mogýl
1 naýryz – Paralleldi mogýl
2 naýryz – Shańǵymen akrobatıka
Árbir jarys kúniniń qorytyndysy boıynsha jeńimpazdardy marapattaý rásimi ótedi. Álem kýbogy kezeńi kezinde Qazsport arnasynda jáne YouTube FIS-TV arnasynda tikeleı translıaııa kórsetiledi.
2024-2025 jylǵy maýsymda FIS Álem kýbogynyń kezeńderi erekshe mańyzǵa ıe, sebebi olar 2026 jylǵy Italııadaǵy Qysqy Olımpıada oıyndaryna irikteý kezeńderi bolmaq. Bul sportshylar FIS upaılary úshin ǵana emes, sondaı-aq 2026 jylǵy qysqy Olımpıadaǵa qatysý úshin biliktilik upaılaryn jınaý úshin synǵa túsetindikten, kórermenderdi qyzý tartys kútip tur.
