اقش پرەزيدەنتى دونالد ترامپتىڭ ارنايى ەلشىسى كيت كەللوگگتىڭ كيەۆكە ساپارى اياقتالعاننان كەيىن وتەدى دەپ جوسپارلانعان كونفەرەنتسياسى وتپەيتىن بولدى، دەپ حابارلايدى “ادىرنا” ۇلتتىق پورتالى.
بۇل شەشىم امەريكالىق تاراپتىڭ باستاماسىمەن قابىلدانعان. اقپاراتتى ۋكراينا پرەزيدەنتىنىڭ ءباسپاسوز حاتشىسى سەرگەي نيكيفوروۆ راستادى.
كيت كەللوگگ كيەۆكە ترامپتىڭ ۋكراينا پرەزيدەنتى ۆلاديمير زەلەنسكيدى “ديكتاتور” دەپ اتاپ، ەلدە پرەزيدەنتتىك سايلاۋ وتكىزۋدى تالاپ ەتكەنىنەن كەيىن كەلگەن بولاتىن.
“مەن ۋكراينانى جاقسى كورەمىن، بىراق زەلەنسكي وتە ناشار جۇمىس ىستەدى. ونىڭ ەلى قيراپ جاتىر، ميلليونداعان ادام قاجەتسىز قازا تاپتى. زەلەنسكي تەزىرەك ارەكەت ەتپەسە، ونىڭ ەلى قيراپ جاتىر، ميلليونداعان ادام قاجەتسىز قازا تاپتى. ەگەر ول تەز ارەكەت ەتپەسە، ەلىنەن ايىرىلۋى مۇمكىن”، – دەپ جازدى.
بۇعان دەيىن اقش پرەزيدەنتى بريفينگتە ۆلاديمير زەلەنسكيدىڭ حالىق اراسىنداعى رەيتينگى 4%-دان اسپايتىنىن ايتقان. ال ۋكراينا باسشىسى بۇعان جاۋاپ رەتىندە ترامپتىڭ “دەزينفورماتسيالىق كەڭىستىكتە ءومىر ءسۇرىپ جاتقانىن” مالىمدەدى.
ايتا كەتەيىك، ۋكراينادا پرەزيدەنتتىك سايلاۋ 2024 جىلدىڭ ناۋرىز-ءساۋىر ايلارىندا ءوتۋى ءتيىس ەدى. الايدا ەلدەگى اسكەري جاعدايعا بايلانىستى سايلاۋ كەيىنگە شەگەرىلدى. كونستيتۋتسيا بويىنشا، سوعىس جاعدايىندا داۋىس بەرۋ وتكىزۋگە تىيىم سالىنعان.
ءوز كەزەگىندە كرەمل بۇل جاعدايدى پايدالانىپ، ۆلاديمير زەلەنسكيدى “زاڭسىز پرەزيدەنت” رەتىندە كورسەتۋگە تىرىسقان.
ميۋنحەندەگى قاۋىپسىزدىك كونفەرەنتسياسىندا ءسوز سويلەگەن ۋكراينا پرەزيدەنتى سايلاۋ وتكىزۋ ماسەلەسىن تالقىلاۋعا دايىن ەكەنىن، الايدا ۋكراين حالقى سوعىس جاعدايىنىڭ الىنۋىنا قارسى ەكەنىن ايتتى.
“مەن ەلدىڭ امان قالۋىنا باسىمدىق بەرىپ وتىرمىن. پرەزيدەنتتىك مەرزىمىمنىڭ باسىنان بەرى وسى ماقساتتا جۇمىس ىستەپ كەلەمىن”، – دەدى زەلەنسكي.
بۇل جاعدايعا بايلانىستى ۇلىبريتانيا پرەمەر-ءمينيسترى كير ستارمەر مەن گەرمانيا كانتسلەرى ولاف شولتس زەلەنسكيگە قولداۋ ءبىلدىردى. ولار ۋكراينانىڭ قازىرگى باسشىسى دەموكراتيالىق جولمەن سايلانعانىن اتاپ ءوتتى. كەلەسى اپتادا كير ستارمەر مەن فرانتسيا پرەزيدەنتى ەممانۋەل ماكرون اق ۇيگە بارىپ، ۋكرايناداعى جاعدايدى تالقىلايدى دەپ كۇتىلۋدە.
