AQŞ prezidentı Donald Tramptyŋ arnaiy elşısı Kit Kelloggtıŋ Kievke sapary aiaqtalǧannan keiın ötedı dep josparlanǧan konferensiiasy ötpeitın boldy, dep habarlaidy “Adyrna” ūlttyq portaly.
Būl şeşım amerikalyq taraptyŋ bastamasymen qabyldanǧan. Aqparatty Ukraina prezidentınıŋ baspasöz hatşysy Sergei Nikiforov rastady.
Kit Kellogg Kievke Tramptyŋ Ukraina prezidentı Vladimir Zelenskiidı “diktator” dep atap, elde prezidenttık sailau ötkızudı talap etkenınen keiın kelgen bolatyn.
“Men Ukrainany jaqsy köremın, bıraq Zelenskii öte naşar jūmys ıstedı. Onyŋ elı qirap jatyr, milliondaǧan adam qajetsız qaza tapty. Zelenskii tezırek äreket etpese, onyŋ elı qirap jatyr, milliondaǧan adam qajetsız qaza tapty. Eger ol tez äreket etpese, elınen aiyryluy mümkın”, – dep jazdy.
Būǧan deiın AQŞ prezidentı brifingte Vladimir Zelenskiidıŋ halyq arasyndaǧy reitingı 4%-dan aspaitynyn aitqan. Al Ukraina basşysy būǧan jauap retınde Tramptyŋ “dezinformasiialyq keŋıstıkte ömır sürıp jatqanyn” mälımdedı.
Aita keteiık, Ukrainada prezidenttık sailau 2024 jyldyŋ nauryz-säuır ailarynda ötuı tiıs edı. Alaida eldegı äskeri jaǧdaiǧa bailanysty sailau keiınge şegerıldı. Konstitusiia boiynşa, soǧys jaǧdaiynda dauys beru ötkızuge tyiym salynǧan.
Öz kezegınde Kreml būl jaǧdaidy paidalanyp, Vladimir Zelenskiidı “zaŋsyz prezident” retınde körsetuge tyrysqan.
Miunhendegı qauıpsızdık konferensiiasynda söz söilegen Ukraina prezidentı sailau ötkızu mäselesın talqylauǧa daiyn ekenın, alaida ukrain halqy soǧys jaǧdaiynyŋ alynuyna qarsy ekenın aitty.
“Men eldıŋ aman qaluyna basymdyq berıp otyrmyn. Prezidenttık merzımımnıŋ basynan berı osy maqsatta jūmys ıstep kelemın”, – dedı Zelenskii.
Būl jaǧdaiǧa bailanysty Ūlybritaniia premer-ministrı Kir Starmer men Germaniia kanslerı Olaf Şols Zelenskiige qoldau bıldırdı. Olar Ukrainanyŋ qazırgı basşysy demokratiialyq jolmen sailanǧanyn atap öttı. Kelesı aptada Kir Starmer men Fransiia prezidentı Emmanuel Makron Aq üige baryp, Ukrainadaǧy jaǧdaidy talqylaidy dep kütılude.
Ūqsas jaŋalyqtar
