فوتو: GETTY IMAGES
اقش پرەزيدەنتىنىڭ قاتىسۋىمەن وتكەن اق ۇيدەگى جۋرناليستەر اسسوتسياتسياسىنىڭ قابىلداۋىندا اتىس بولدى. مەملەكەت باسشىسى دونالد ترامپ، ءبىرىنشى حانىم مەلانيا ترامپ، ۆيتسە-پرەزيدەنت دجەي دي ۆەنس، قورعانىس ءمينيسترى پيت حەگسەت جانە دەنساۋلىق ساقتاۋ ءمينيسترى روبەرت كەننەدي-ملادشي دەرەۋ ەۆاكۋاتسيالاندى. بۇل تۋرالى ۆۆس جازدى، دەپ حابارلايدى “ادىرنا”.
وقيعا كەزىندە اتىسقا ۇقساس دىبىستار ەستىلىپ، قۇپيا قىزمەتتىڭ قىزمەتكەرلەرى قارۋمەن زالعا كىردى. قاتىسۋشىلار العاشقى وقتاردان كەيىن ۇستەل استىنا جاسىرىنعان.
BBC ءتىلشىسىنىڭ حابارلاۋىنشا، فبر ديرەكتورى كاش پاتەل وقىس وقيعا كەزىندە ءوزىنىڭ قىزىن قورعاپ جەرگە قۇلاعان.
«مەن فبر ديرەكتورى كاش پاتەلدىڭ ءدال الدىندا وتىردىم. اتىستار ەستىلگەن كەزدە، ول تەز قىزىن ءوز دەنەسىمەن جاۋىپ، جەرگە قۇلادى»، – دەدى BBC ءتىلشىسى سۋمي سوماسكاندا.
ونىڭ ايتۋىنشا، بىرنەشە مينۋتتان كەيىن قۇپيا قىزمەت اگەنتى باسقا اگەنتتەرگە پاتەل قاۋىپسىز ەكەنىن جانە ونىڭ ورنىن انىقتاعانىن بەلگىلەدى.
«بارلىعىمىز تۇرا باستاعان كەزدە، پاتەل تەلەفونىنا حابارلامالار جازۋدى باستادى. ءبىز وعان نە بولعانىن بىلەسىز بە دەپ سۇراماق بولدىق، بىراق ونى دەرەۋ الىپ كەتتى»، — دەدى سۋمي سوماسكاندا.
اتىستان ءبىراز ۋاقىت وتكەن سوڭ، ترامپ ءباسپاسوز ءماسليحاتىن وتكىزدى. ول ادامداردى ولتىرۋگە نيەتتەنگەن شابۋىلداۋشى بىرنەشە قارۋ الىپ جۇرگەنىن جانە ءبىر قۇپيا قىزمەت قىزمەتكەرىنە وق تيگەنىن ايتتى. الايدا ول قىزمەتكەر برونەجيلەتپەن قورعالعان.
ترامپتىڭ ايتۋىنشا، وسى وقيعادان كەيىن جۋرناليستەرمەن كەزدەسۋ كەيىنگە شەگەرىلدى.
