17 اقپاندا كاسپي قۇبىر كونسورتسيۋمى (كقك) ارقىلى مۇناي تاسىمالدايتىن “كروپوتكينسكايا” مۇناي ايداۋ ستانساسىنا جەتى ۇشقىشسىز ۇشۋ اپپاراتى (ۇۇا) شابۋىل جاسادى. بۇل ستانسا ارقىلى قازاقستان مۇنايى دا ەكسپورتتالادى. 18 اقپاندا شابۋىل سالدارىنان قازاقستاننان مۇناي ايداۋ كولەمى 30%-عا تومەندەۋى مۇمكىن ەكەنى بەلگىلى بولدى، دەپ حابارلايدى “ادىرنا” ۇلتتىق پورتالى.
بۇل شەكتەۋ 1,5-2 ايعا سوزىلۋى ىقتيمال. ساراپشى ولجاس ءبايدىلدينوۆتىڭ باعالاۋىنشا، بۇل قازاقستان بيۋدجەتىنىڭ كىرىسىنە شامامەن 300 ملرد تەڭگە شىعىن كەلتىرۋى مۇمكىن.
رەسەيدىڭ سىرتقى ىستەر ءمينيسترى سەرگەي لاۆروۆ بۇل شابۋىلدى قازاقستاننىڭ ەنەرگوينفراقۇرىلىمىنا جاسالعان سوققى دەپ اتادى.
“رەسەي ەشقاشان ۋكراينانىڭ ەنەرگيامەن جابدىقتاۋ جۇيەسىن قاۋىپكە تىككەن ەمەس”، – دەدى لاۆروۆ.
كەيىننەن ۋكراينا بۇل شابۋىلدى رەسمي تۇردە مويىندادى. شابۋىلعا بايلانىستى جاڭا قىلمىستىق ءىس قوزعالعانى حابارلاندى.
