17 aqpanda Kaspıı qubyr konsorıýmy (KQK) arqyly munaı tasymaldaıtyn “Kropotkınskaıa” munaı aıdaý stansasyna jeti ushqyshsyz ushý apparaty (UUA) shabýyl jasady. Bul stansa arqyly Qazaqstan munaıy da eksporttalady. 18 aqpanda shabýyl saldarynan Qazaqstannan munaı aıdaý kólemi 30%-ǵa tómendeýi múmkin ekeni belgili boldy, dep habarlaıdy “Adyrna” ulttyq portaly.
Bul shekteý 1,5-2 aıǵa sozylýy yqtımal. Sarapshy Oljas Baıdildınovtyń baǵalaýynsha, bul Qazaqstan bıýdjetiniń kirisine shamamen 300 mlrd teńge shyǵyn keltirýi múmkin.
Reseıdiń syrtqy ister mınıstri Sergeı Lavrov bul shabýyldy Qazaqstannyń energoınfraqurylymyna jasalǵan soqqy dep atady.
“Reseı eshqashan Ýkraınanyń energııamen jabdyqtaý júıesin qaýipke tikken emes”, – dedi Lavrov.
Keıinnen Ýkraına bul shabýyldy resmı túrde moıyndady. Shabýylǵa baılanysty jańa qylmystyq is qozǵalǵany habarlandy.
