ىشكى ىستەر مينيسترلىگى بيۋدجەتتى ۇنەمدەۋ ءۇشىن سوتتالعان ايەلدەرگە راقىمشىلىق جاساۋ باستاماسىن قولدادى. بۇعان دەيىن دەپۋتات قاراقات ابدەن تۇرمەدەگى جازاسى جەڭىل ايەلدەردىڭ مەرزىمىن قىسقارتۋدى نەمەسە تۇرمەدەن تولىق بوساتۋدى ۇسىنعان ەدى، دەپ حابارلايدى «ادىرنا» ءتىلشىسى.
ىشكى ىستەر ءمينيسترى ەرجان سادەنوۆتىڭ ايتۋىنشا، بۇگىنگى تاڭدا 6399 ايەل قىلمىستىق قۇقىق بۇزۋشىلىق جاساعانى ءۇشىن جازاسىن وتەپ جاتىر.
«قازاقستان رەسپۋبليكاسى قىلمىستىق كودەكسىنىڭ 78-بابىنا سايكەس، اۋىرلىعى از جانە ورتاشا قىلمىستارى ءۇشىن سوتتالعان 1220 ايەل جازاسىن وتەۋدەن بوساتىلۋى مۇمكىن. سونىمەن قاتار، زورلىق-زومبىلىققا بايلانىستى ەمەس قىلمىستار جاساعانى ءۇشىن 2002 ايەل سوتتالدى، ولاردىڭ 1766-سى العاش رەت، ال 150-ءى اۋىرلىعى شاعىن جانە ورتاشا قىلمىستار جاساعان. ءوز كەزەگىندە اۋىر جانە اسا اۋىر قىلمىستار جاساعان 5055 ايەلگە جازا مەرزىمىن قىسقارتۋ مۇمكىن»،—دەدى ول.
ءىىم سوتتالعاندارعا راقىمشىلىق بەرۋ ارقىلى بيۋدجەت شىعىنىن ازايتۋعا بولاتىنىن مالىمدەدى.
«وسىلايشا، ەكى مىڭنان استام سوتتالعاندى بوساتۋ ارقىلى بيۋدجەتتى كۇنىنە 5,8 ملن تەڭگەگە دەيىن ۇنەمدەۋگە بولادى (1 سوتتالعان ادامعا كۇنىنە – 2900 تەڭگە، تيىسىنشە جىلىنا 2,1 ملرد تەڭگە جۇمسالادى). بۇل شارا گۋمانيزم قاعيداتتارىن، مەملەكەتتىڭ الەۋمەتتىك ساياساتىن قولداۋدى، ايەلدەردى بەيىمدەۋدى، ولاردىڭ وتباسىلىق قۇندىلىقتارىن نىعايتۋدى جانە بالالاردىڭ قۇقىقتارىن ساقتاۋدى، سونداي-اق قاج تۇزەۋ مەكەمەلەرىندە وتەۋشىلەردىڭ جۇكتەمەسىن ازايتۋ ەسەبىنەن مەملەكەتتىك شىعىستاردى وڭتايلاندىرۋدى جانە سوتتالعانداردى قاج مەكەمەلەرىندە ۇستاۋ جاعدايلارىن جاقسارتۋدى كوزدەيدى»،— دەلىنگەن حابارلامادا.
