ەرۇلان جاماۋباەۆ ۇلتتىق بانك توراعاسىنىڭ ءبىرىنشى ورىنباسارى بولىپ تاعايىندالدى. بۇل تۋرالى 17 اقپاندا اقوردانىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«مەملەكەت باسشىسىنىڭ وكىمىمەن ەرۇلان كەنجەبەكۇلى جاماۋباەۆ قازاقستان رەسپۋبليكاسىنىڭ ۇلتتىق بانكى توراعاسىنىڭ ءبىرىنشى ورىنباسارى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى»،—دەلىنگەن حابارلامادا.
ەرۇلان جاماۋباەۆ 1974 جىلى 25 ناۋرىزدا دۇنيەگە كەلگەن. ول 1996-1998 جىلدارى – قازاق مەملەكەتتىك اگرارلىق ۋنيۆەرسيتەتىندە وقىتۋشى-تاعىلىمداماشى، وقىتۋشى; 1998-2014 جىلدارى – قر ۇلتتىق بانكىنىڭ جەتەكشى مامانى، دەپارتامەنت ديرەكتورى; 2014-2015 جىلدارى – «قازاقستاننىڭ تۇرعىن ءۇي قۇرىلىس جيناق بانكى» اكتسيونەرلىك قوعامىنىڭ باسقارۋشى ديرەكتورى; 2015-2018 جىلدارى – قر پرەزيدەنتى اكىمشىلىگى الەۋمەتتىك-ەكونوميكالىق مونيتورينگ ءبولىمى مەڭگەرۋشىسىنىڭ ورىنباسارى، ءبولىم مەڭگەرۋشىسى; 2018-2019 جىلدارى – قر پرەزيدەنتىنىڭ كومەكشىسى; 2019-2020 جىلدارى – قر قارجى مينيسترلىگىنىڭ جاۋاپتى حاتشىسى; 2020-2022 جىلدارى – قر قارجى ءمينيسترى; 2022-2024 جىلدارى – قر پرەمەر-ءمينيسترىنىڭ ورىنباسارى – قارجى ءمينيسترى قىزمەتتەرىن اتقاردى. 2024 جىلعى 20 مامىردا پرەزيدەنت وكىمىمەن قازاقستان رەسپۋبليكاسى پرەزيدەنتىنىڭ كەڭەسشىسى بولىپ تاعايىندالعان بولاتىن.
