Erulan Jamaýbaev Ulttyq bank tóraǵasynyń birinshi orynbasary bolyp taǵaıyndaldy. Bul týraly 17 aqpanda Aqordanyń baspasóz qyzmeti aıtty, dep habarlaıdy «Adyrna» tilshisi.
«Memleket basshysynyń ókimimen Erulan Kenjebekuly Jamaýbaev Qazaqstan Respýblıkasynyń Ulttyq Banki Tóraǵasynyń birinshi orynbasary bolyp taǵaıyndaldy, ol burynǵy atqarǵan laýazymynan bosatyldy»,—delingen habarlamada.
Erulan Jamaýbaev 1974 jyly 25 naýryzda dúnıege kelgen. Ol 1996-1998 jyldary – Qazaq memlekettik agrarlyq ýnıversıtetinde oqytýshy-taǵylymdamashy, oqytýshy; 1998-2014 jyldary – QR Ulttyq bankiniń jetekshi mamany, departament dırektory; 2014-2015 jyldary – «Qazaqstannyń turǵyn úı qurylys jınaq banki» akıonerlik qoǵamynyń basqarýshy dırektory; 2015-2018 jyldary – QR Prezıdenti Ákimshiligi Áleýmettik-ekonomıkalyq monıtorıng bólimi meńgerýshisiniń orynbasary, bólim meńgerýshisi; 2018-2019 jyldary – QR Prezıdentiniń kómekshisi; 2019-2020 jyldary – QR Qarjy mınıstrliginiń jaýapty hatshysy; 2020-2022 jyldary – QR Qarjy mınıstri; 2022-2024 jyldary – QR Premer-Mınıstriniń orynbasary – Qarjy mınıstri qyzmetterin atqardy. 2024 jylǵy 20 mamyrda prezıdent ókimimen Qazaqstan Respýblıkasy Prezıdentiniń keńesshisi bolyp taǵaıyndalǵan bolatyn.
