Depýtat Ádil Jubanov elde óndirilgen munaıdyń árbir tonnasynan 1 dollardy halyq jaǵdaıyn jaqsartýǵa jumsaýdy usyndy. Bul týraly ol Parlamenttegi otyrysta áleýmettik-ekonomıkalyq damýyna bólinetin qarajatty talqylaý kezinde aıtty, dep habarlaıdy “Adyrna” ulttyq portaly.
13 aqpanda májiliste «Teńizshevroıl» kompanııasynyń qazaqstandyq úlesin damytý máseleleri talqylanǵan. Onda Atyraý oblysynan saılanǵan depýtat Ádil Jubanov «Teńizshevroıl» kompanııasynyń «Igilik» áleýmettik baǵdarlamasy bıýdjetin ulǵaıtýdy usyndy.
«25 mln tonna munaı óndirildi – 25 mln dollar bólindi. Óndiristi keńeıtý arqyly jylyna 40 mln tonna munaı óndirilse, áleýmettik baǵdarlama bıýdjeti 40 mln dollarǵa deıin ulǵaısyn», – deıdi Atyraý oblysynan parlamentke saılanǵan depýtat Ádil Jubanov.
Ol Qazaqstanda óndirilgen munaıdyń árbir tonnasynan 1 dollar jergilikti halyqtyń áleýmettik jaǵdaıyn jaqsartýǵa bólingenin qalaıdy.
«Teńizshevroıl» kompanııasynyń basshysy áleýmettik bıýdjetti ulǵaıtý máselesin akıonerler deńgeıinde talqylaý qajet etkenin aıtqan. Sebebi «Igilikti» munaı óndirýshi kompanııa óz erkimen ashqan jáne qarajatty jeke esebinen aýdaryp otyr.
Qazaqstan zańnamasy munaı óńdeýshi kompanııalar tabystyń 1 paıyzyn aımaqtyń áleýmettik-ekonomıkalyq damýyna jumsap otyrýǵa mindetti. Biraq mundaı talaptan «Teńizshevroıl», «Qarashyǵanaq Petrolıým Opereıtıng» jáne NCOC bosatylǵan.
Energy Monitor telegram-arnasy munaı óndirýshi kompanııanyń áleýmettik baǵdarlamasyna nazar aýdarǵan edi.
«Teńizshevroıl» «Igilik» áleýmettik baǵdarlamasynyń bıýdjetin 25 mln dollarǵa ulǵaıtqan. Telegram jazbasy boıynsha, zań talabyn TShO-ǵa qoısa, jylda áleýmetke kemi 50 mln dollar aýdarar edi.
«QPO» káleýmettik jobalarǵa jyl saıyn 70 mln dollardan astam qarajat bólip otyr.
Al «Teńizshevroıl» 2024 jyly 27,8 mln tonna shıki munaı óndirip, 1,2 mln tonna suıytylǵan gaz satqan. Kompanııa aldaǵy jyldary óndiris kólemin arttyrýdy kózdep otyr.
«Teńizshevroıl» 1993 jyly Qazaqstan úkimeti men amerıkalyq Chevron kompanııasy arasyndaǵy 40 jyldyq kelisim-shart negizinde qurylǵan. Birlesken kompanııa 1998 jyly «Igilik» baǵdarlamasyn ashyp, bıýdjetin 25 mln dollarǵa deıin ulǵaıtqan.
