2025 جىلعى 5 ساۋىردەن باستاپ قازاقستاندا تەحنيكالىق تەكسەرۋ ەرەجەلەرى وزگەرتىلەدى. بۇل وزگەرىستەر كولىك ءمينيسترىنىڭ 2025 جىلعى 7 اقپانداعى №38 بۇيرىعىنا سايكەس ەنگىزىلدى، دەپ حابارلايدى "ادىرنا" ۇلتتىق پورتالى باق-قا سىلتەپ.
تەحنيكالىق تەكسەرىس وپەراتورلارى قىزمەتىن رۇقساتتىڭ ەكىنشى ساناتىن العان كۇننەن باستاپ باستاي الادى. بۇرىن بۇل رۇقسات تۋرالى حابارلاما بەرىلگەن كۇننەن باستاپ جۇزەگە اسىرىلاتىن.
سونداي-اق، بايقاۋدىڭ بىرىڭعاي اقپاراتتىق جۇيەسى (تبج) كولىكتە پايدالانۋعا تىيىم سالىنعان اقاۋلار انىقتالسا، دياگنوستيكالىق كارتانىڭ كۇشىن جويادى.
جەكە ماقساتتاعى كولىك ءۇشىن شىعارىلعان جىلىن قوسا العاندا، 7 جىلدان اسقان M1 ساناتىنداعى كولىكتەر – جىلىنا 1 رەت تەكسەرىلەدى. ال 1 جىلدان اسقان N1-3, O1-4, L1-7 ساناتىنداعى كولىكتەر – جىلىنا 1 رەت تەكسەرۋدەن وتەدى.
كاسىپكەرلىك ماقساتتا قولدانىلاتىن كولىكتەر ءۇشىن M1 ساناتىنداعى، سونداي-اق جولاۋشىلار مەن جۇك تاسىمالداۋعا ارنالعان M2, M3, N ساناتىنداعى كولىكتەر مەن قاۋىپتى جۇكتەردى تاسىمالداۋعا ارنالعان نەمەسە ارنايى جابدىقتالعان كولىكتەر – 6 اي سايىن تەكسەرىلمەك.
بۇل وزگەرىستەر 2025 جىلدىڭ 5 ساۋىرىنەن باستاپ زاڭدى كۇشىنە ەنەدى.
ۇقساس جاڭالىقتار
