بۇگىن اقتوبە وبلىسىنداعى سامارا-شىمكەنت تاس جولىنىڭ 916 شاقىرىمىندا، ياعني بوگەتساي اۋىلىنىڭ ماڭىندا «پاز-32054» ماركالى اۆتوبۋسىنىڭ جۇرگىزۋشىسى جول ەرەجەسىن بۇزىپ، ناتيجەسىندە اۆتوبۋس اۋدارىلعان دەپ حابارلايدى "ادىرنا" ۇلتتىق پورتالىنىڭ ءتىلشىسى.
اۆتوبۋس جۇرگىزۋشىسى جولدا كولىك قۇرالى توقتاعانعا دەيىن جىلدامدىقتى تومەندەتپەي، كولىكتى باسقارا الماي، ءجۇرىپ بارا جاتىپ وڭ جاققا اۋدارىلىپ تۇسكەن.
اۆتوبۋس اقتوبەنىڭ ىرعىز اۋدانى، قۇرىلىس اۋىلىنان وتباسىلىق ءىس-شارادان كەلە جاتقان. كولىك ىشىندە 12 ادام بولعان، ونىڭ ۇشەۋى — بالالار.
جول-كولىك وقيعاسى سالدارىنان ءۇش ادام «قارابۇتاق» تراسسالىق مەديتسينالىق-قۇتقارۋ پۋنكتىنە كومەككە جۇگىندى، ونىڭ ىشىندە جاراقات العان ەكى ادام جانە سۇيەگى سىنعان ءبىر جولاۋشى اقتوبە جەدەل مەديتسينالىق جاردەم اۋرۋحاناسىنا جەتكىزىلدى.
اقتوبە وبلىسىنىڭ پوليتسيا دەپارتامەنتى مالىمدەۋىنشە، قازىر جول وقيعاسىنا قاتىستى تەكسەرۋ جۇمىستارى جۇرگىزىلۋدە.
"ادىرنا" ۇلتتىق پورتالى.
