2025 jylǧy 5 säuırden bastap Qazaqstanda tehnikalyq tekseru erejelerı özgertıledı. Būl özgerıster Kölık ministrınıŋ 2025 jylǧy 7 aqpandaǧy №38 būiryǧyna säikes engızıldı, dep habarlaidy "Adyrna" ūlttyq portaly BAQ-qa sıltep.
Tehnikalyq tekserıs operatorlary qyzmetın rūqsattyŋ ekınşı sanatyn alǧan künnen bastap bastai alady. Būryn būl rūqsat turaly habarlama berılgen künnen bastap jüzege asyrylatyn.
Sondai-aq, baiqaudyŋ bıryŋǧai aqparattyq jüiesı (TBJ) kölıkte paidalanuǧa tyiym salynǧan aqaular anyqtalsa, diagnostikalyq kartanyŋ küşın joiady.
Jeke maqsattaǧy kölık üşın şyǧarylǧan jylyn qosa alǧanda, 7 jyldan asqan M1 sanatyndaǧy kölıkter – jylyna 1 ret tekserıledı. Al 1 jyldan asqan N1-3, O1-4, L1-7 sanatyndaǧy kölıkter – jylyna 1 ret tekseruden ötedı.
Käsıpkerlık maqsatta qoldanylatyn kölıkter üşın M1 sanatyndaǧy, sondai-aq jolauşylar men jük tasymaldauǧa arnalǧan M2, M3, N sanatyndaǧy kölıkter men qauıptı jükterdı tasymaldauǧa arnalǧan nemese arnaiy jabdyqtalǧan kölıkter – 6 ai saiyn tekserılmek.
Būl özgerıster 2025 jyldyŋ 5 säuırınen bastap zaŋdy küşıne enedı.
Ūqsas jaŋalyqtar
