Búgin senator Janna Asanova nekege daıyndyqty mektep jasynan bastaýdy usyndy, "Adyrna" ulttyq portaly.
Senatordyń aıtýynsha, jastar nekege otyrǵanymen, turmystyq sharýalardy atqara almaıdy. Munyń bári turmystyq janjalǵa aparyp soǵady.
"Qazir balalardyń tutas bir býynynyń ákesi nemese sheshesi joq. Qazaqstanda shamamen bir jylda nekelerdiń jartysy ajyrasýmen aıaqtalady. Tendenııa turaqty. Tipti ósip barady. 2021 jyly 141 myń otbasynyń 60 myńy ajyrassa, 2024 jyly 125 myń nekeniń 61 myńy ajyrasyp ketkenin kórip otyrmyz. Mundaı tendenııany toqtatý úshin kóńil bólýimiz kerek", – deıdi ol.
Senator otbasy ınstıtýtyn damytý keregin aıtty.
"Biz otbasy ınstıtýtyn damytýymyz kerek. Alaıda qazir ata-analardyń kóbi balalardy oqytýǵa, tolyq daǵdyǵa úıretýge múmkindik tappaı jatady. Osyǵan baılanysty aldyn alý sharalaryn qabyldaý kerek. Ol úshin senator orta jáne joǵary synyp oqýshylaryna ómirlik qajettiligi bar daǵdylarǵa úıretý kerek. Tigin tigý, tamaq pisirý, tas qalaý, úı jóndeý, turmystyq tehnıkalardy jóndeý, alǵashqy medıınalyq kómek, tótenshe jaǵdaılardaǵy daǵdy, ózin-ózi qorǵaý, qarjylyq saýattylyq – bárin úıretý kerek. Munyń bári balalarǵa ózin damytýǵa kómektesedi", – deıdi ol.
