جامبىل وبلىسىندا پوليتسيا قىزمەتكەرى قىزمەتتىك مىندەتىن اتقارۋ كەزىندە قازا تاپتى، دەپ حابارلايدى "ادىرنا" ۇلتتىق پورتالى.
قايعىلى وقيعا 11 اقپاندا ساعات 19:40-تا الماتى-تاشكەنت تاسجولىنىڭ 203-شاقىرىمىندا بولعان.
Volkswagen Passat ماركالى كولىكتىڭ جۇرگىزۋشىسى قاراما-قارسى قوزعالىس جولاعىنا شىعىپ، بەكىتىلگەن اۋماقتا جول قاۋىپسىزدىگىن قامتاماسىز ەتىپ جۇرگەن پاترۋلدىك كولىكپەن سوقتىعىسقان.
جول اپاتى سالدارىنان قىزمەتتىك كولىكتە بولعان وزگە ەكى پوليتسەي ءارتۇرلى دەنە جاراقاتتارىمەن قورداي اۋداندىق ورتالىق اۋرۋحاناسىنا جەتكىزىلدى.
"جامبىل وبلىسى پد پاترۋلدىك پوليتسيا باتالونىنىڭ اعا ينسپەكتورى ۇشكەمپىر اباي باقىتبەكۇلى 12 اقپاندا اۋرۋحانانىڭ جانساقتاۋ بولىمىندە كوز جۇمدى", - دەپ جازىلعان حابارلامادا.
پوليتسيا اعا لەيتەنانتى اباي ۇشكەمپىر ىشكى ىستەر ورگاندارىندا 2017 جىلعى 14 جەلتوقساننان بەرى قىزمەت اتقارعان. ول قىزمەت ەتكەن جىلدارى ىشىندە 9 مارتە ماراپاتتالعان.
