Jambyl oblysynda polisiia qyzmetkerı qyzmettık mındetın atqaru kezınde qaza tapty, dep habarlaidy "Adyrna" ūlttyq portaly.
Qaiǧyly oqiǧa 11 aqpanda saǧat 19:40-ta Almaty-Taşkent tasjolynyŋ 203-şaqyrymynda bolǧan.
Volkswagen Passat markaly kölıktıŋ jürgızuşısı qarama-qarsy qozǧalys jolaǧyna şyǧyp, bekıtılgen aumaqta jol qauıpsızdıgın qamtamasyz etıp jürgen patruldık kölıkpen soqtyǧysqan.
Jol apaty saldarynan qyzmettık kölıkte bolǧan özge ekı polisei ärtürlı dene jaraqattarymen Qordai audandyq ortalyq auruhanasyna jetkızıldı.
"Jambyl oblysy PD patruldık polisiia batalonynyŋ aǧa inspektory Üşkempır Abai Baqytbekūly 12 aqpanda auruhananyŋ jansaqtau bölımınde köz jūmdy", - dep jazylǧan habarlamada.Polisiia aǧa leitenanty Abai Üşkempır ışkı ıster organdarynda 2017 jylǧy 14 jeltoqsannan berı qyzmet atqarǧan. Ol qyzmet etken jyldary ışınde 9 märte marapattalǧan.
Ūqsas jaŋalyqtar
