2024 جىلى قازاقستانعا تۇراقتى تۇرۋعا (پمج) 30 مىڭعا جۋىق ادام كوشىپ كەلدى. بۇل وتكەن جىلمەن سالىستىرعاندا 17,9%-عا كوپ، دەپ حابارلايدى “ادىرنا” ۇلتتىق پورتالى LS پورتالىنا سىلتەپ.
ەلدەن كەتكەندەردىڭ سانى ازايدى. بيىل قازاقستاننان 12,7 مىڭ ادام قونىس اۋداردى، بۇل وتكەن جىلمەن سالىستىرعاندا 20,4%-عا تومەن. جالپى كوشى-قون سالدوسى +1,1 مىڭ ادام بولىپ قالىپتاستى.
قازاقستانعا قونىس اۋدارعانداردىڭ باسىم بولىگى وزبەكستاننان – 12,2 مىڭ ادام (+1,8 ەسە), رەسەيدەن – 8,1 مىڭ ادام (-30,3%), قىتايدان – 2,1 مىڭ ادام (+2,1 ەسە), موڭعوليادان – 1,4 مىڭ ادام (+2,2 ەسە), تۇركيادان – 530 ادام (+1,7 ەسە) كەلدى.
ەلدەن كەتكەندەردىڭ باسىم بولىگى رەسەيگە – 8,8 مىڭ ادام (-24,8%), گەرمانياعا – 2 مىڭ ادام (-12,7%) جانە اقش-قا – 332 ادام (-26,5%) كوشكەن.
قازاقستاننان كوبىنە تەحنيكالىق ماماندار – 1,5 مىڭ ادام (-31,3%), ەكونوميستەر – 721 ادام (-1,5 ەسە), پەداگوگتەر – 493 ادام (-1,6 ەسە) كوشىپ كەتكەن.
ال قازاقستانعا تەحنيكالىق ماماندار – 3,1 مىڭ ادام (-9%), ەكونوميستەر – 1,3 مىڭ ادام (-30,3%), پەداگوگتەر – 1 مىڭ ادام (+0,1%) جانە اۋىل شارۋاشىلىعى ماماندارى – 293 ادام (+1,8 ەسە) كەلگەن.
