2024 jyly Qazaqstanǵa turaqty turýǵa (PMJ) 30 myńǵa jýyq adam kóship keldi. Bul ótken jylmen salystyrǵanda 17,9%-ǵa kóp, dep habarlaıdy “Adyrna” ulttyq portaly LS portalyna siltep.
Elden ketkenderdiń sany azaıdy. Bıyl Qazaqstannan 12,7 myń adam qonys aýdardy, bul ótken jylmen salystyrǵanda 20,4%-ǵa tómen. Jalpy kóshi-qon saldosy +1,1 myń adam bolyp qalyptasty.
Qazaqstanǵa qonys aýdarǵandardyń basym bóligi Ózbekstannan – 12,2 myń adam (+1,8 ese), Reseıden – 8,1 myń adam (-30,3%), Qytaıdan – 2,1 myń adam (+2,1 ese), Mońǵolııadan – 1,4 myń adam (+2,2 ese), Túrkııadan – 530 adam (+1,7 ese) keldi.
Elden ketkenderdiń basym bóligi Reseıge – 8,8 myń adam (-24,8%), Germanııaǵa – 2 myń adam (-12,7%) jáne AQSh-qa – 332 adam (-26,5%) kóshken.
Qazaqstannan kóbine tehnıkalyq mamandar – 1,5 myń adam (-31,3%), ekonomıster – 721 adam (-1,5 ese), pedagogter – 493 adam (-1,6 ese) kóship ketken.
Al Qazaqstanǵa tehnıkalyq mamandar – 3,1 myń adam (-9%), ekonomıster – 1,3 myń adam (-30,3%), pedagogter – 1 myń adam (+0,1%) jáne aýyl sharýashylyǵy mamandary – 293 adam (+1,8 ese) kelgen.
