4 اي ىشىندە ارال تەڭىزىنە 1 ملرد تەكشە مەتر سۋ جىبەرىلدى. بۇل تۋرالى بۇگىن، 10 اقپاندا سۋ رەسۋرستارى جانە يرريگاتسيا مينيسترلىگى ايتتى، دەپ حابارلايدى «ادىرنا» ءتىلشىسى.
رەسمي دەرەككە سۇيەنسەك، 2024 جىلعى قازاننان بيىلعى قاڭتارعا دەيىن سولتۇستىك ارال تەڭىزىنە 1 ميلليارد تەكشە مەتر سۋ جىبەرىلگەن.
«2025 جىلدىڭ سوڭىنا قاراي تەڭىزدەگى سۋ كولەمى 23,4 ملرد تەكشە مەترگە دەيىن جەتەدى دەپ كۇتىلۋدە. قىزىلوردا وبلىسىنىڭ كۇرىش القاپتارىن لازەرلىك جوسپارلاۋشىمەن تەگىستەۋ جانە سۋ ۇنەمدەۋ تەحنولوگيالارىن پايدالانۋ شامامەن 200 ملن تەكشە مەتر سۋ ۇنەمدەپ، ونى سولتۇستىك ارالعا جىبەرۋگە مۇمكىندىك بەردى. ۇلكەن ارال تەڭىزىنىڭ تارتىلعان اۋماعىن قالپىنا كەلتىرۋ ءۇشىن 4,4 ملن كوشەت وتىرعىزىلدى»،—دەلىنگەن حابارلامادا.
2025 جىلدىڭ سوڭىنا قاراي ارال تەڭىزى تابانىن كوگالداندىرۋدىڭ جالپى كولەمى 1,1 ملن گەكتارعا جەتۋى ءتيىس.
