4 aı ishinde Aral teńizine 1 mlrd tekshe metr sý jiberildi. Bul týraly búgin, 10 aqpanda Sý resýrstary jáne ırrıgaııa mınıstrligi aıtty, dep habarlaıdy «Adyrna» tilshisi.
Resmı derekke súıensek, 2024 jylǵy qazannan bıylǵy qańtarǵa deıin Soltústik Aral teńizine 1 mıllıard tekshe metr sý jiberilgen.
«2025 jyldyń sońyna qaraı teńizdegi sý kólemi 23,4 mlrd tekshe metrge deıin jetedi dep kútilýde. Qyzylorda oblysynyń kúrish alqaptaryn lazerlik josparlaýshymen tegisteý jáne sý únemdeý tehnologııalaryn paıdalaný shamamen 200 mln tekshe metr sý únemdep, ony Soltústik Aralǵa jiberýge múmkindik berdi. Úlken Aral teńiziniń tartylǵan aýmaǵyn qalpyna keltirý úshin 4,4 mln kóshet otyrǵyzyldy»,—delingen habarlamada.
2025 jyldyń sońyna qaraı Aral teńizi tabanyn kógaldandyrýdyń jalpy kólemi 1,1 mln gektarǵa jetýi tıis.
