7 اقپان كۇنى قازاقستان رەسپۋبليكاسىنىڭ پرەزيدەنتى جانىنداعى مەملەكەتتىك باسقارۋ اكادەمياسىندا پولشا رەسپۋبليكاسىنىڭ قازاقستانداعى ۋاقىتشا سەنىمدى وكىلى ميحال لابەندا "پولشانىڭ ەۋروپالىق وداق قۇرامىنداعى 20 جىلدىعى" تاقىرىبىندا قازاق تىلىندە ءدارىس وقىدى، دەپ حابارلايدى "ادىرنا" ۇلتتىق پورتالى.
ءدارىستىڭ قازاقشا ءوتۋى كوپشىلىكتى تاڭعالدىرىپ، ەرەكشە اسەر قالدىردى.
ميحال لابەندا قازاق ءتىلىن ەركىن مەڭگەرگەن جانە بۇل ونىڭ تىلگە، مادەنيەتكە دەگەن ەرەكشە قۇرمەتىن كورسەتەدى. ديپلوماتتىڭ پىكىرىنشە، ءتىلدى ءبىلۋ – سول حالىقتىڭ مادەنيەتى مەن رۋحىن ءتۇسىنۋدىڭ نەگىزگى جولى.
ايتا كەتەيىك، ميحال لابەندا قازاق ءتىلى مەن مادەنيەتىنە كەزدەيسوق قىزىقپاعان. ول 1999 جىلى ءال-فارابي اتىنداعى قازاق ۇلتتىق ۋنيۆەرسيتەتىن شىعىستانۋ ماماندىعى بويىنشا ۇزدىك اياقتاپ، ديپلومدىق جۇمىسىن "اراب تىلىنەن قازاق تىلىنە باعىنىڭقى قۇرمالاس سويلەمدەردىڭ اۋدارما ۇلگىلەرى" تاقىرىبىندا قورعاعان. پولشا ديپلوماتى قازاق تىلىنەن بولەك ازەربايجان، اعىلشىن، اراب، نەمىس، ورىس، وزبەك جانە فرانتسۋز تىلدەرىن مەڭگەرگەن.
