7 aqpan kúni Qazaqstan Respýblıkasynyń Prezıdenti janyndaǵy Memlekettik basqarý akademııasynda Polsha Respýblıkasynyń Qazaqstandaǵy ýaqytsha senimdi ókili Mıhal Labenda "Polshanyń Eýropalyq Odaq quramyndaǵy 20 jyldyǵy" taqyrybynda qazaq tilinde dáris oqydy, dep habarlaıdy "Adyrna" ulttyq portaly.
Dáristiń qazaqsha ótýi kópshilikti tańǵaldyryp, erekshe áser qaldyrdy.
Mıhal Labenda qazaq tilin erkin meńgergen jáne bul onyń tilge, mádenıetke degen erekshe qurmetin kórsetedi. Dıplomattyń pikirinshe, tildi bilý – sol halyqtyń mádenıeti men rýhyn túsinýdiń negizgi joly.
Aıta keteıik, Mıhal Labenda qazaq tili men mádenıetine kezdeısoq qyzyqpaǵan. Ol 1999 jyly ál-Farabı atyndaǵy Qazaq ulttyq ýnıversıtetin Shyǵystaný mamandyǵy boıynsha úzdik aıaqtap, dıplomdyq jumysyn "Arab tilinen qazaq tiline baǵynyńqy qurmalas sóılemderdiń aýdarma úlgileri" taqyrybynda qorǵaǵan. Polsha dıplomaty qazaq tilinen bólek ázerbaıjan, aǵylshyn, arab, nemis, orys, ózbek jáne franýz tilderin meńgergen.
