پەتروپاۆل قالاسىندا كارتوپتى شەكتەۋلى مولشەردە ساتۋ ءتارتىبى ەنگىزىلدى. ەندى تۇرعىندار تۇراقتاندىرۋ قورى پۋنكتتەرىنەن نەمەسە سۋپەرماركەتتەردەن ءبىر ادامعا 3 كەلىدەن ارتىق كارتوپ ساتىپ الا المايدى، دەپ حابارلايدى "ادىرنا" ۇلتتىق پورتالى كتك-عا سىلتەپ.
جەرگىلىكتى بيلىك بۇل شەكتەۋدى الىپساتارلىقتىڭ الدىن الۋ ماقساتىندا قابىلداعانىن مالىمدەدى. تۇراقتاندىرۋ قورىنىڭ دەرەگىنە سايكەس، قوردا 1200 توننا كارتوپ ساقتالعان. قازىرگى ۋاقىتتا كارتوپ تۇراقتاندىرۋ قورىنان 97 تەڭگەدەن، ال سۋپەرماركەتتەردە 110 تەڭگەدەن ساتىلۋدا. بۇل باعالار بازارداعى باعامەن سالىستىرعاندا ءۇش ەسە ارزان.
وسىعان ۇقساس شەكتەۋ اتىراۋ قالاسىندا دا ەنگىزىلگەن. وندا دا كارتوپتى ءبىر ادامعا 3 كەلىدەن ارتىق ساتۋعا تىيىم سالىنعان.
ء"بىر ادامعا 2-3 كەلىدەن كارتوپ بەرىلەدى. سەبەبى كارتوپقا سۇرانىس وتە جوعارى، سوندىقتان الىپساتارلىققا جول بەرىلمەۋى ءتيىس. بۇل كارتوپ تاپشىلىعىنا بايلانىستى ەمەس", – دەلىنگەن رەسمي حابارلامادا.
ايتا كەتەيىك، بۇعان دەيىن الماتى قالاسىنداعى كەي دۇكەندەردە دە كارتوپ ساتىلىمىنا شەكتەۋ قويىلعان.
