ازەربايجان رەسمي تۇردە رەسەيدىڭ «روسسوترۋدنيچەستۆو» اگەنتتىگىنىڭ ەل اۋماعىنداعى قىزمەتىن توقتاتۋ تۋرالى نوتا جولدادى، دەپ حابارلايدى "ادىرنا" ۇلتتىق پورتالى Report اگەنتتىگىنە سىلتەپ.
«روسسوترۋدنيچەستۆو» باسشىسى ەۆگەني پريماكوۆتىڭ ايتۋىنشا، ازەربايجان تاراپى رەسەيدىڭ مادەني جانە اقپاراتتىق ورتالىعى – «ورىس ءۇيى» زاڭدى تۇلعا رەتىندە تىركەلۋى ءتيىس ەكەنىن مالىمدەگەن. سونىمەن قاتار، مەكەمە ءبىر جارىم اي ىشىندە جالعا الىپ وتىرعان عيماراتتان شىعۋى قاجەت، سەبەبى عيمارات يەسى ونى جەدەل تۇردە ساتۋعا شەشىم قابىلداعان.
ء"بىز باسقا عيماراتتى جالعا الۋ تۋرالى كەلىسسوزدەر جۇرگىزدىك، بىراق ونىڭ يەسى ءالى ناقتى شەشىم قابىلداعان جوق", – دەدى پريماكوۆ.
اقپارات كوزدەرىنىڭ حابارلاۋىنشا، رەسمي باكۋ ۇلتتىق مۇددەلەرىن قورعاۋ ساياساتىن جالعاستىرىپ، سىرتقى ىقپالدارعا جول بەرمەيتىنىن كورسەتۋدە.
ء"بىزدىڭ ەل شەتەلدىك كومەكتى قاجەت ەتپەيدى. اسىرەسە، كۇماندى سحەمالار ارقىلى كورسەتىلەتىن جانە بارلاۋ سيپاتىنداعى قۇرىلىمدارمەن بايلانىستى كومەكتى قابىلداۋعا نيەتتى ەمەس", – دەپ اتاپ ءوتتى Report.
ايتا كەتەيىك، بۇعان دەيىن ازەربايجان امەريكالىق USAID اگەنتتىگىنىڭ قىزمەتىن دە توقتاتۋ تۋرالى شەشىم قابىلداعان بولاتىن.
