5 اقپاندا تالدىقورعان قالاسىندا «تازا قازاقستان» باعدارلاماسى اياسىندا جالعىزباستى جانە قارت ادامدارعا كومەك كورسەتۋ ماقساتىندا قايىرىمدىلىق اكتسياسى وتكىزىلدى. اكتسيا بارىسىندا اۋلالاردى، ءۇي كىرەبەرىستەرىن، جۇرەتىن جولداردى قاردان تازالاۋ جۇمىستارى اتقارىلدى. شاراعا ستۋدەنتتەر مەن جاستاردان قۇرالعان ەرىكتىلەر اتسالىستى.
«مەيىرىمدى-جەتىسۋ» ۆولونتەرلىك فرونت-ءوفيسىنىڭ جەتەكشىسى شىراي ساماتقىزى : «تازا قازاقستان» اكتسياسى اياسىندا سەنبىلىك ۇيىمداستىرىلىپ، قارت كىسىلەردىڭ ءجۇرىپ-تۇرۋىن جەڭىلدەتۋ ءۇشىن اۋلانى تولىقتاي قاردان تازارتتىق. بۇل يگى ءىس - ارداگەرلەرگە قولداۋ ءبىلدىرۋدىڭ ءبىر كورىنىسى. قارتتار ءوز كەزەگىندە ەرىكتىلەرگە العىسىن جەتكىزىپ، وسىنداي قامقورلىق قوعامداعى مەيىرىمدىلىكتى ارتتىراتىنىن ايتتى»، - دەيدى.
كومەك العان زەينەتكەردىڭ ءبىرى گۆوزديكوۆا سوفيا فايزراحمانوۆنا: «مەن ءۇشىن بۇل - ۇلكەن كومەك. اۋلا تازالاۋ ماعان وڭاي ەمەس، بۇگىن ەرىكتىلەر كەلىپ، بارلىعىن رەتكە كەلتىردى. وسىنداي يگى ىستەر كوپ بولسىن!»، - دەدى ريزاشىلىعىن ءبىلدىرىپ.
جەتىسۋ وبلىسىندا «تازا قازاقستان» باعدارلاماسى اياسىندا 2024 جىلدىڭ 8 ساۋىرىنەن باستاپ بارلىق جوسپارلانعان ءىس-شارالار بەلسەندى وتكىزىلدى، جالپى سەنبىلىكتەر مەن ەكواكتسيالارعا 252 مىڭنان استام ادام قاتىستى.
وسى اۋقىمدى ەكوجوبانى ىسكە اسىرۋ باستالعاننان بەرى وبلىس بويىنشا جالپى 2 322 بىرلىك تەحنيكا جۇمىلدىرىلدى، 12 822 توننا قوقىس شىعارىلدى، 193 ساياباق پەن سكۆەردى، 721 تاريحي-مادەني ەسكەرتكىشتى تازارتۋ جۇمىستارى جۇرگىزىلدى جانە 56 مىڭنان استام قىلقان جاپىراقتى جانە قاتتى اعاش كوشەتتەرى وتىرعىزىلدى.
«تازا قازاقستان» رەسپۋبليكالىق ەكولوگيالىق باعدارلاماسى جەتىسۋ وبلىسىندا بەلسەندى تۇردە ۇيىمداستىرىلىپ، تۇرعىندار تاراپىنان زور قولداۋعا يە بولدى.
جەتىسۋ وبلىسىنىڭ قوعامدىق دامۋ باسقارماسىنىڭ مالىمەت بويىنشا
