5 aqpanda Taldyqorǵan qalasynda «Taza Qazaqstan» baǵdarlamasy aıasynda jalǵyzbasty jáne qart adamdarǵa kómek kórsetý maqsatynda qaıyrymdylyq akııasy ótkizildi. Akııa barysynda aýlalardy, úı kireberisterin, júretin joldardy qardan tazalaý jumystary atqaryldy. Sharaǵa stýdentter men jastardan quralǵan eriktiler atsalysty.
«Meıirimdi-Jetisý» volonterlik front-ofısiniń jetekshisi Shyraı Samatqyzy : «Taza Qazaqstan» akııasy aıasynda senbilik uıymdastyrylyp, qart kisilerdiń júrip-turýyn jeńildetý úshin aýlany tolyqtaı qardan tazarttyq. Bul ıgi is - ardagerlerge qoldaý bildirýdiń bir kórinisi. Qarttar óz kezeginde eriktilerge alǵysyn jetkizip, osyndaı qamqorlyq qoǵamdaǵy meıirimdilikti arttyratynyn aıtty», - deıdi.
Kómek alǵan zeınetkerdiń biri Gvozdıkova Sofııa Faızrahmanovna: «Men úshin bul - úlken kómek. Aýla tazalaý maǵan ońaı emes, búgin eriktiler kelip, barlyǵyn retke keltirdi. Osyndaı ıgi ister kóp bolsyn!», - dedi rızashylyǵyn bildirip.
Jetisý oblysynda «Taza Qazaqstan» baǵdarlamasy aıasynda 2024 jyldyń 8 sáýirinen bastap barlyq josparlanǵan is-sharalar belsendi ótkizildi, jalpy senbilikter men ekoakııalarǵa 252 myńnan astam adam qatysty.
Osy aýqymdy ekojobany iske asyrý bastalǵannan beri oblys boıynsha jalpy 2 322 birlik tehnıka jumyldyryldy, 12 822 tonna qoqys shyǵaryldy, 193 saıabaq pen skverdi, 721 tarıhı-mádenı eskertkishti tazartý jumystary júrgizildi jáne 56 myńnan astam qylqan japyraqty jáne qatty aǵash kóshetteri otyrǵyzyldy.
«Taza Qazaqstan» respýblıkalyq ekologııalyq baǵdarlamasy Jetisý oblysynda belsendi túrde uıymdastyrylyp, turǵyndar tarapynan zor qoldaýǵa ıe boldy.
Jetisý oblysynyń qoǵamdyq damý basqarmasynyń málimet boıynsha
