الەۋمەتتىك جەلىلەردە روزىباكيەۆ كوشەسىن مۇحتار ماعاۋين داڭعىلى دەپ اتاۋ باستاماسى ءوولداۋ تابۋدا، دەپ حابارلايدى "ادىرنا" ۇلتتىق پورتالى.
جەلى قولدانۋشىسى بوتا دن الماتىداعى روزىباكيەۆ كوشەسىن مۇحتار ماعاۋين داڭعىلى ەتىپ وزگەرتۋ تۋرالى ۇسىنىس جاسادى. ول قالاداعى ورتالىق كوشەلەردىڭ ءبىرىن عانا لايىقتى دەپ سانايتىنىن جەتكىزدى.
"مۇحتار ماعاۋيننىڭ اتى شاعىن، شەتتە ورنالاسقان كوشەگە ەمەس، ۇلكەن ورتالىق داڭعىلداردىڭ بىرىنە بەرىلۋى كەرەك. مىسالى، روزىباكيەۆ كوشەسىن مۇحتار ماعاۋين داڭعىلى دەپ اتاۋعا بولادى", – دەپ جازدى ول.
سونداي-اق، ول روزىباكيەۆتىڭ تاريحي ماڭىزىنا كۇمان كەلتىرىپ، ونىڭ تەك كەڭەس بيلىگىنىڭ ورناۋىنا اتسالىسقانىن اتاپ ءوتتى.
«بۇل ادام كىم بولعان؟ قىسقاشا ءومىربايانىندا ونىڭ جەتىسۋدا كەڭەس وكىمەتىن ورناتۋ ءۇشىن كۇرەسكەنى جانە اسكەري-رەۆوليۋتسيالىق كوميتەتتىڭ مۇشەسى بولعانى عانا كورسەتىلگەن»، – دەدى ول.
جەلى قولدانۋشىسى الماتىدا مۇحتار ماعاۋين اتىنداعى ورتالىق اشۋدى دا ۇسىندى.
قوعامدا قىزۋ تالقىلانىپ جاتقان بۇل ۇسىنىستىڭ رەسمي دەڭگەيدە قاراستىرىلاتىنى ازىرگە بەلگىسىز.
ۇزىندىعى شامامەن 7 كيلومەتردى قۇرايتىن روزىباكيەۆ كوشەسى 1940 جىلدارى الماتى قالاسىنىڭ شەكاراسى ەسەنتاي (بۇرىنعى ۆەسنوۆكا) جانە قاراسۋ وزەندەرى اراسىنا كەڭەيگەن كەزدە پايدا بولدى. سول كەزدە بۇل اۋدان شاعىن جەر ۇيلەر مەن باۋ-باقشالاردان تۇراتىن كۆارتالدارعا ءبولىندى. كوشە باستاپقىدا "17-لينيا" دەپ اتالعان.
1970-1980 جىلدارى قالانىڭ باس جوسپارىنا سايكەس ءبىر-ەكى قاباتتى ۇيلەر ءسۇرىلىپ، ولاردىڭ ورنىنا بەس جانە توعىز قاباتتى جاڭا تۇرعىن ۇيلەر سالىندى.
1962 جىلى كوشە اتاۋى وزگەرتىلىپ، وعان كەڭەستىك پارتيا قايراتكەرى ابدۋللا روزىباكيەۆتىڭ ەسىمى بەرىلدى.
ەسكە سالا كەتەيىك، قازاقستاننىڭ حالىق جازۋشىسى، تاريحشى، فيلولوگيا عىلىمدارىنىڭ دوكتورى، پۋبليتسيست، قازاقتىڭ اۋىز ادەبيەتىن زەرتتەۋشى عالىم مۇحتار ماعاۋين ۇاڭتاردىڭ 9-ى كۇنى اقش-تىڭ مەريلەند شتاتىنداعى ۇيىندە ومىردەن ءوتتى. جازۋشى مەريلەند شتاتىنداعى پارك لاۋن مەموريالدىق زيراتىنا جەرلەندى.
مۇحتار ماعاۋيننىڭ سيلۆەر-سپرينگ قالاسىنداعى ءۇيى الداعى ءۇش جىلدا قازاق مادەنيەتى مەن تاريحىن شەت ەلدە ناسيحاتتايتىن رۋحاني ورتالىققا اينالادى. بۇل تۋرالى جازۋشىنىڭ ۇلى ەدىگە ماعاۋين جازۋشىنىڭ تۋعان كۇنىنە وراي 2 اقپاندا ۇيىمداستىرىلعان جيىندا مالىمدەدى.
جاڭا ورتالىقتىڭ ماقساتى – مۇحتار ماعاۋيننىڭ مۇراسىن دارىپتەۋ. بۇل جەر بولاشاقتا قازاقتاردىڭ باس قوساتىن، تامىرىن تانيتىن جانە بولاشاعىن مەڭزەيتىن مادەني-اعارتۋ ورتالىعى رەتىندە قىزمەت ەتۋى ءتيىس. ورتالىقتا قازاق ءتىلى كۋرستارى مەن ءتۇرلى مادەني شارالار ۇيىمداستىرىلماق.
ورتالىقتا جازۋشىنىڭ جازبالارى، كۇندەلىكتەرى جانە جەكە كىتاپحاناسىندا ساقتالعان مۇراعاتتارى جۇرتشىلىققا قولجەتىمدى بولادى.
