Áleýmettik jelilerde Rozybakıev kóshesin Muhtar Maǵaýın dańǵyly dep ataý bastamasy óoldaý tabýda, dep habarlaıdy "Adyrna" ulttyq portaly.
Jeli qoldanýshysy Bota Dn Almatydaǵy Rozybakıev kóshesin Muhtar Maǵaýın dańǵyly etip ózgertý týraly usynys jasady. Ol qaladaǵy ortalyq kóshelerdiń birin ǵana laıyqty dep sanaıtynyn jetkizdi.
"Muhtar Maǵaýınniń aty shaǵyn, shette ornalasqan kóshege emes, úlken ortalyq dańǵyldardyń birine berilýi kerek. Mysaly, Rozybakıev kóshesin Muhtar Maǵaýın dańǵyly dep ataýǵa bolady", – dep jazdy ol.
Sondaı-aq, ol Rozybakıevtiń tarıhı mańyzyna kúmán keltirip, onyń tek keńes bıliginiń ornaýyna atsalysqanyn atap ótti.
«Bul adam kim bolǵan? Qysqasha ómirbaıanynda onyń Jetisýda keńes ókimetin ornatý úshin kúreskeni jáne áskerı-revolıýııalyq komıtettiń múshesi bolǵany ǵana kórsetilgen», – dedi ol.
Jeli qoldanýshysy Almatyda Muhtar Maǵaýın atyndaǵy ortalyq ashýdy da usyndy.
Qoǵamda qyzý talqylanyp jatqan bul usynystyń resmı deńgeıde qarastyrylatyny ázirge belgisiz.
Uzyndyǵy shamamen 7 kılometrdi quraıtyn Rozybakıev kóshesi 1940 jyldary Almaty qalasynyń shekarasy Esentaı (burynǵy Vesnovka) jáne Qarasý ózenderi arasyna keńeıgen kezde paıda boldy. Sol kezde bul aýdan shaǵyn jer úıler men baý-baqshalardan turatyn kvartaldarǵa bólindi. Kóshe bastapqyda "17-lınııa" dep atalǵan.
1970-1980 jyldary qalanyń bas josparyna sáıkes bir-eki qabatty úıler súrilip, olardyń ornyna bes jáne toǵyz qabatty jańa turǵyn úıler salyndy.
1962 jyly kóshe ataýy ózgertilip, oǵan keńestik partııa qaıratkeri Abdýlla Rozybakıevtiń esimi berildi.
Eske sala keteıik, Qazaqstannyń halyq jazýshysy, tarıhshy, fılologııa ǵylymdarynyń doktory, pýblııst, qazaqtyń aýyz ádebıetin zertteýshi ǵalym Muhtar Maǵaýın uańtardyń 9-y kúni AQSh-tyń Merılend shtatyndaǵy úıinde ómirden ótti. Jazýshy Merılend shtatyndaǵy Park Laýn memorıaldyq zıratyna jerlendi.
Muhtar Maǵaýınniń Sılver-Sprıng qalasyndaǵy úıi aldaǵy úsh jylda qazaq mádenıeti men tarıhyn shet elde nasıhattaıtyn rýhanı ortalyqqa aınalady. Bul týraly jazýshynyń uly Edige Maǵaýın jazýshynyń týǵan kúnine oraı 2 aqpanda uıymdastyrylǵan jıynda málimdedi.
Jańa ortalyqtyń maqsaty – Muhtar Maǵaýınniń murasyn dáripteý. Bul jer bolashaqta qazaqtardyń bas qosatyn, tamyryn tanıtyn jáne bolashaǵyn meńzeıtin mádenı-aǵartý ortalyǵy retinde qyzmet etýi tıis. Ortalyqta qazaq tili kýrstary men túrli mádenı sharalar uıymdastyrylmaq.
Ortalyqta jazýshynyń jazbalary, kúndelikteri jáne jeke kitaphanasynda saqtalǵan muraǵattary jurtshylyqqa qoljetimdi bolady.
