الماس كىشكەنباەۆتىڭ ءىسى بويىنشا سوت شەشىمى شىقتى، دەپ حابارلايدى "ادىرنا" ۇلتتىق پورتالى.
الماتى قالالىق سوتىنىڭ ءباسپاسوز قىزمەتىنىڭ مالىمەتىنشە، كىشكەنباەۆ ماس كۇيىندە قوعامدىق ءتارتىپتى بۇزىپ، وزگە ادامدارعا ءتيىسۋ ارەكەتىن جاساعان. سوتتا ول ءوز ءىس-ارەكەتتەرىنىڭ ءمان-جايىن ەسىنە تۇسىرە المايتىنىن ايتقان.
اكىمشىلىك قۇقىقبۇزۋشىلىق تۋرالى كودەكستىڭ 434-بابىنىڭ 1-بولىگىنە سايكەس، بۇل قۇقىقبۇزۋشىلىق ءۇشىن 20 اەك كولەمىندە ايىپپۇل نەمەسە 5-تەن 15 تاۋلىككە دەيىن قاماۋعا الۋ جازاسى قاراستىرىلعان. سوت جاعدايدى جەڭىلدەتەتىن فاكتورلاردى انىقتاماعان. كەرىسىنشە اۋىرلاتاتىن جاعداي رەتىندە قۇقىقبۇزۋشىلىقتىڭ ماس كۇيىندە جاسالعانى كورسەتىلگەن.
ناتيجەسىندە، الماس كىشكەنباەۆ كىنالى دەپ تانىلىپ، 15 تاۋلىككە اكىمشىلىك قاماۋعا الىندى. سوتتىڭ قاۋلىسى زاڭدى كۇشىنە ەنگەن جوق.
ەسكە سالا كەتەيىك، بۇعان دەيىن Kozachkov تەلەگرام ارناسىندا ونەر يەسىنىڭ 17 جاستاعى كۋرەرگە تيىسكەنى تۋرالى اقپارات شىققان ەدى. بالانىڭ اكەسى پوليتسياعا ارىز جازعان. 31 قاڭتاردا الماتى قالاسىنىڭ ارنايى اۋدانارالىق اكىمشىلىك سوتى قر اقبتك-ءنىڭ 434-بابى 1-بولىمىنە («قوعامدىق ورىنداردا ءتارتىپ بۇزۋ») سايكەس ءىس قوزعاعانى انىقتالعان ەدى.
