Almas Kishkenbaevtyń isi boıynsha sot sheshimi shyqty, dep habarlaıdy "Adyrna" ulttyq portaly.
Almaty qalalyq sotynyń baspasóz qyzmetiniń málimetinshe, Kishkenbaev mas kúıinde qoǵamdyq tártipti buzyp, ózge adamdarǵa tıisý áreketin jasaǵan. Sotta ol óz is-áreketteriniń mán-jaıyn esine túsire almaıtynyn aıtqan.
Ákimshilik quqyqbuzýshylyq týraly kodekstiń 434-babynyń 1-bóligine sáıkes, bul quqyqbuzýshylyq úshin 20 AEK kóleminde aıyppul nemese 5-ten 15 táýlikke deıin qamaýǵa alý jazasy qarastyrylǵan. Sot jaǵdaıdy jeńildetetin faktorlardy anyqtamaǵan. Kerisinshe aýyrlatatyn jaǵdaı retinde quqyqbuzýshylyqtyń mas kúıinde jasalǵany kórsetilgen.
Nátıjesinde, Almas Kishkenbaev kináli dep tanylyp, 15 táýlikke ákimshilik qamaýǵa alyndy. Sottyń qaýlysy zańdy kúshine engen joq.
Eske sala keteıik, buǵan deıin Kozachkov telegram arnasynda óner ıesiniń 17 jastaǵy kýrerge tıiskeni týraly aqparat shyqqan edi. Balanyń ákesi polıııaǵa aryz jazǵan. 31 qańtarda Almaty qalasynyń Arnaıy aýdanaralyq ákimshilik soty QR ÁQBtK-niń 434-baby 1-bólimine («Qoǵamdyq oryndarda tártip buzý») sáıkes is qozǵaǵany anyqtalǵan edi.
