ۇلتتىق قاۋىپسىزدىك كوميتەتىنىڭ (ۇقك) 5-دەپارتامەنتىنىڭ باسشىسى رۋسلان ىسقاقوۆ اشتىق جاريالادى، دەپ حابارلايدى "ادىرنا" ۇلتتىق پورتالى.
بۇل تۋرالى ونىڭ ادۆوكاتى ەۆگەني ياۆورسكي ءوزىنىڭ Instagram پاراقشاسىندا جازدى.
ادۆوكاتتىڭ ايتۋىنشا، ىسقاقوۆ 28 قاڭتاردان باستاپ 3 اقپانعا دەيىن اشتىق ۇستاپ، نارازىلىق بىلدىرگەن.
«ادامدار مۇنداي قادامعا جايدان-جاي بارمايدى، ونىڭ بەلگىلى ءبىر سەبەپتەرى بار. قۇزىرلى ورگانداردان رۋسلاننىڭ بۇل شەشىمگە نە ءۇشىن كەلگەنىن انىقتاۋىن سۇرايمىن. ونىڭ قانداي جاعدايعا تاپ بولعانىن ءبىلۋ – ءبىز ءۇشىن ماڭىزدى»، – دەدى ەۆگەني ياۆورسكي.
ايتا كەتەيىك، 27 قاڭتاردا رۋسلان ىسقاقوۆقا سوت ۇكىمى شىقتى. ول قاڭتار وقيعاسى كەزىندە ارمان جۇماگەلديەۆتىڭ (ديكي ارمان) جاپپاي تارتىپسىزدىك ۇيىمداستىرعانىن قولداعانى ءۇشىن كىنالى دەپ تانىلىپ، 15 جىلعا باس بوستاندىعىنان ايىرىلدى.
