جالاقىنىڭ كوتەرىلۋىن تالاپ ەتىپ، شەرۋگە شىققان تارازدىق جۇمىسشىلار كومپانيا باسشىلىعىمەن ءىشىنارا ىمىراعا كەلدى. "قامقور لوكوموتيۆ" جشس -cى ولاردا تاۋەلسىزدىك كۇنى قارساڭىندا سىياقى بەرۋدى ۋادە ەتتى، دەپ حابارلايدى "ادىرنا" ۇلتتىق پورتالى.
تۇتاس ۇجىممەن وتكەن جيىن بارىسىندا ەڭبەككەرلەردىڭ جالاقىسىن كوتەرۋ ماسەلەسى تالقىلانادى. بۇل تۋرالى جامبىل وبلىسى اكىمدىگىنىڭ ءباسپاسوز قىزمەتى حابارلادى.
جۇمىسشىلار كاسىپورىننىڭ اكت زالىنا شاقىرىلدى. ولارمەن فيليال باسشىسى ءىلياس لەسباەۆ، سونىمەن قاتار تاراز اكىمىنىڭ ورىنباسارى قايرات يسمايل، قالا پروكۋرورىنىڭ ورىنباسارى داستان اسقار، كولىك پروكۋراتۋراسىنىڭ وكىلى جۋراەۆ كەزدەسىپ، ىمىراعا كەلدى.
"قازىر جاعداي تۇراقتى، قاتىسۋشىلار جۇمىس ورىندارىنا كەتتى. "قامقور لوكوموتيۆ" جشس جۇمىسى ادەتتەگىدەي جالعاسىپ جاتىر", - دەلىنگەن حابارلامادا.
سونىمەن قاتار، "قامقور لوكوموتيۆ" جشس باس ديرەكتورىنىڭ ورىنباسارى اسان نۇسىپقۇلوۆ جانە جشس-نىڭ وزگە دە وكىلدەرىنەن قۇرالعان جۇمىس توبى قۇرىلدى. ولار الداعى ۋاقىتتا شەرۋگە شىققانداردىڭ تالابىن قاناعاتتاردىرۋعا كۇش سالماق
بۇگىن تاڭەرتەڭ "قامقور لوكوموتيۆ" جشس فيليالى، تاراز لوكوموتيۆ دەپوسىنىڭ جۇمىسشىلارى نارازىلىققا شىقتى. جينالعان جۇمىسشىلاردىڭ نەگىزگى تالابى – سىياقى تولەۋ جانە جالاقىنى كوتەرۋ بولاتىن. ولار وزگە ايماقتارداعى ارىپتەستەرىنىڭ الدەقايدا كوپ جالاقى الاتىنىن ايتىپ، تارازدىق قىزمەتكەرلەردىڭ ەڭبەگىن قاناماۋدى اشىق تالاپ ەتتى.
"ادىرنا" ۇلتتىق پورتالى
