بۇگىن، 3 اقپاندا تۇركىستان وبلىسىنىڭ كەنتاۋ-تۇركىستان تاس جولىنىڭ 5-شاقىرىمىندا «اۋدي» ماركالى ەكى بىردەي كولىكتىڭ قاتىسۋىمەن جول اپاتى بولدى، دەپ حابارلايدى «ادىرنا» ءتىلشىسى.
«الدىن الا مالىمەت بويىنشا، كولىكتەردىڭ ءبىرىنىڭ جۇرگىزۋشىسى جولدىڭ قارسى بەتىنە شىعىپ كەتىپ، باسقا كولىكپەن بەتپە-بەت سوقتىعىسقان. وقيعا سالدارىنان 6 ادام وقيعا ورنىندا قازا تاۋىپ، 4 ادام ءتۇرلى دەنە جاراقاتىن الدى. زارداپ شەگۋشىلەر كەنتاۋ قالاسىنداعى مەديتسينالىق مەكەمەگە جاتقىزىلدى»،—دەلىنگەن حابارلامادا.
تۇركىستان وبلىسىنىڭ پوليتسيا دەپارتامەنتى جۇرگىزۋشىلەردى جول ەرەجەسىنىڭ تالاپتارىن ساقتاۋعا، جىلدامدىقتى اسىرماۋعا جانە قارسى جولاققا شىقپاۋعا شاقىرادى.
