قر ەكولوگيا جانە تابيعي رەسۋرستار مينيسترلىگى قازاقى يت تۇقىمدارى – تازى مەن توبەتتىڭ قۇرمەتىنە ارنايى مەرەكە بەلگىلەۋدى ۇسىندى. جوبا "اشىق نقا" پورتالىندا جاريالاندى، دەپ حابارلايدى "ادىرنا" ۇلتتىق پورتالى.
مەرەكە كۇندەرىنىڭ تىزبەسى جاڭا تارماقپەن تولىقتىرىلادى.
"11-1. قازاقتىڭ يت تۇقىمدارى كۇنى – ءۇشىنشى قىركۇيەك بولادى", - دەلىنگەن قۇجاتتا.
مينيسترلىك بۇل باستامانىڭ ۇلتتىق مادەني مۇرانى، تاريح پەن داستۇرلەردى ناسيحاتتاۋدا ماڭىزدى ءرول اتقاراتىنىن اتاپ ءوتتى.
مەرەكە اياسىندا دارىستەر، سەمينارلار، كورمەلەر جانە باسقا دا ءىس-شارالار ۇيىمداستىرىلىپ، قازاقى يت تۇقىمدارىنىڭ ەرەكشەلىكتەرى مەن كۇتىمى تۋرالى اقپارات بەرىلەدى. سونداي-اق، بۇل شارالار ءتۋريزمنىڭ دامۋىنا ۇلەس قوسىپ، كينولوگيا سالاسىندا جاڭا جۇمىس ورىندارىنىڭ اشىلۋىنا ىقپال ەتەدى.
مينيسترلىك سەلەكتسيونەرلەر، كينولوگيالىق ۇيىمدار مەن اۋەسقويلارعا تاجىريبە الماسۋ جانە كورمەلەرگە قاتىسۋ ءۇشىن جاڭا مۇمكىندىكتەر تۋعىزاتىنىن اتاپ ءوتتى.
