ورتالىق ازيا ەلدەرىندە 21 ناۋرىزدان باستاپ ناۋرىز مەيرامىنا وراي جۇمىس اپتاسى قىسقارتىلدى، دەپ حابارلايدى “ادىرنا” ۇلتتىق پورتالى.
ماسەلەن تاجىكستان تۇرعىندارىن ەڭ ۇزاق دەمالىس كۇندەرى كۇتىپ تۇر. ولار 21-26 ناۋرىز ارالىعىندا دەمالادى.
قازاقستاندا ناۋرىز مەيرامىنىڭ قۇرمەتىنە ادەتتە ءۇش كۇن – 21 ناۋرىزدان 23 ناۋرىزعا دەيىن دەمالىس كۇندەرى بولاتىن. ال بيىل 23-ءى سەنبىگە سايكەس كەلەتىندىكتەن، 25 ناۋرىز دۇيسەنبى كۇنى دە دەمالىس بولادى. بۇل جۇمىس اپتاسى بەس كۇندىكتەر ءۇشىن عانا ەسەپتەلەدى.
وزبەكستان مەن قىرعىزستاندا 21-24 ناۋرىز ارالىعى دەمالىس كۇندەرى دەپ جاريالاندى. بۇل رەتتە قىرعىزستاندىقتار 22 ناۋرىز كۇنىندەگى دەمالىسىن ءساۋىردىڭ 8-ءى كۇنىندە جۇمىس ىستەۋى كەرەك. كۇنتىزبە بويىنشا بۇل دەمالىس كۇنى بولۋى كەرەك، ويتكەنى ءساۋىر توڭكەرىسى كۇنى بيىل جەكسەنبىگە كەلدى.
تۇركىمەنستان تۇرعىندارى ۇلىستىڭ ۇلى كۇنىنىڭ قۇرمەتىنە 21 جانە 22 ناۋرىزدا دەمالادى، سەنبى، 23 ناۋرىز اپتاسىنا بەس كۇن جۇمىس ىستەيتىندەر ءۇشىن عانا دەمالىس كۇنى بولادى.
