حالىقارالىق ءسوز بوستاندىعىن قورعاۋ قورى جۋرناليست ايشا قۇتۋباەۆاعا سوت عيماراتىندا جاسالعان شابۋىلعا بايلانىستى وبەكتيۆتى تەرگەۋ جۇرگىزۋدى تالاپ ەتتى، دەپ حابارلايدى "ادىرنا" ۇلتتىق پورتالى Ulysmedia.kz-كە سىلتەپ.
ء"ادىل ءسوز" قورى 2025 جىلدىڭ 30 قاڭتارىندا استانا قالاسىنىڭ قىلمىستىق ىستەر جونىندەگى اۋدانارالىق سوتىندا جۋرناليست ايشا قۇتۋباەۆاعا جاسالعان شابۋىلعا قاتتى الاڭداۋلى ەكەنىن مالىمدەدى.
قور وكىلدەرى بۇل قازاقستاندا جۋرناليستەرگە جاسالعان العاشقى شابۋىل ەمەس ەكەنىن اتاپ ءوتتى.
قوردىڭ كەلتىرگەن دەرەكتەرىندە، 2024 جىلدىڭ قىركۇيەگىندە پەتروپاۆلدا Qazmedia.kz تىلشىسىنە پوليتسيا رەيدى كەزىندە ماس ادام شابۋىل جاساعان. سوت ونى ۇساق بۇزاقىلىق بويىنشا كىنالى دەپ تانىپ، 5 تاۋلىككە قاماۋعا الىنعانى كورسەتىلگەن. سونداي-اق، قاراشا ايىندا باتىس قازاقستان وبلىسىندا Umarovnews.kz سايتىنىڭ رەداكتورىن سوت زالىندا سوققىعا جىقتى. بۇل وقيعا قر قىلمىستىق كودەكسىنىڭ 109-بابى (ۇرىپ-سوعۋ) بويىنشا قارالىپ، كەيىن كىنالى تاراپتىڭ كەشىرىم سۇراۋىنا بايلانىستى ءىس جابىلعانى دا كورسەتىلگەن.
ء"ادىل ءسوز" اتاپ وتكەندەي، قر قىلمىستىق كودەكسىنىڭ 158-بابى ء(جۋرناليستىڭ زاڭدى كاسىبي قىزمەتىنە كەدەرگى جاساۋ) سوڭعى 15 جىلدا نەبارى ەكى رەت سوتقا دەيىن جەتكەن. وسىعان بايلانىستى قور قر اكىمشىلىك قۇقىقبۇزۋشىلىق تۋرالى كودەكسىنە (قواپ) قوسىمشا جاۋاپكەرشىلىك ەنگىزۋدى ۇسىندى.
"بۇل وزگەرىس قۇقىق بۇزۋشىلىقتىڭ اۋىرلىعىنا سايكەس جىلدام ءارى ءتيىمدى شارالار قابىلداۋعا مۇمكىندىك بەرەدى", – دەپ قورىتىندىلادى حالىقارالىق ۇيىم.
