Túrkııanyń kólik jáne ınfraqurylym mınıstri Abdýlkadır Ýraloǵlý 16 jasqa tolmaǵan balalarǵa áleýmettik jelini qoldanýǵa tolyqtaı tyıym salý jospary týraly málimdedi, dep habarlaıdy "Adyrna" ulttyq portaly CNN TÜRK arnasyna silteme jasap.
Mınıstrdiń aıtýynsha, balalar – eń osal top, sondyqtan olardyń qaýipsizdigine erekshe nazar aýdarý qajet. Túrkııa bıligi 2024 jyly osyǵan baılanysty jańa zań qabyldaýdy josparlap otyr.
"Árıne, biz balalarǵa paıdaly oıyn oınaýǵa kedergi jasaǵymyz kelmeıdi. Biraq 16 jasqa deıingi balalar áleýmettik jelilerde akkaýnt asha almaıtyn bolady. Keıbir elderde mundaı platformalar ata-ananyń ruqsatymen qoljetimdi. Biz bul tásildi de qoldamaımyz. Bizdiń maqsatymyz – 16 jasqa deıingi balalardyń múlde áleýmettik jeli qoldanbaýyn qamtamasyz etý", – dedi Abdýlkadır Ýraloǵlý.
