الەۋمەتتىك جەلىدە شىمكەنتتەگى Magnum دۇكەنىنە كىرگەن ساتىپ الۋشى تۇسىرگەن ۆيدەو تارادى. ۆيدەودا ءۇي جانۋارىنىڭ ءناجىسى كونتەينەردەگى كۇرىشپەن ارالاسقانى تۇسىرىلگەن، دەپ حابارلايدى "ادىرنا" ءتىلشىسى.
جەلىدە تاراعان اقپاراتقا سايكەس، وقيعا ۆولودارسكي كوشەسىندەگى ساۋدا نۇكتەسىندە بولعان.
كومپانيا دۇكەن قىزمەتكەرلەرى تاۋار قابىلداعان كەزدە ەكى مىسىق ابايسىزدا ءتۇسىرۋ ايماعىنان زالعا كىرىپ كەتكەنى ايتىلعان.ال كونتەينەرلەردىڭ ءبىرى اشىق قالىپ، جانۋار سول كونتەينەرگە سەكىرگەنى كامەرا جازبالارىنان كورىنگەنى حابارلاندى.
Magnum قىزمەتكەرلەرى بۇزىلعان ءونىم مەن كونتەينەردى دەرەۋ سورەدەن الىپ، عيماراتتا سانيتارلىق تازالاۋ جۇرگىزگەنىن جانە قالعان تاۋارلاردى تەكسەرگەنىن مالىمدەدى.
ۇقساس جاڭالىقتار
