«قازاقستان حالقىنا» قوعامدىق قورىن ءۇش جىل بويى باسقارعان بولات جامىشەۆ قىزمەتىنەن كەتتى. بۇل تۋرالى قوردىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
بولات جامىشەۆ باسشىلىق قىزمەتكە 2022 جىلدىڭ قاڭتارىندا تاعايىندالعان بولاتىن. باسقارما توراعاسى بولىپ سايلانعان وكىلەتتىك مەرزىمىنىڭ اياقتالۋىنا بايلانىستى بولات جامىشەۆ قورداعى جۇمىسىن اياقتاۋ تۋرالى شەشىم قابىلدادى.
«قازاقستان حالقىنا» قوعامدىق قورى قامقورشىلىق كەڭەسىنىڭ شەشىمىمەن 2025 جىلدىڭ 1 اقپانىنان باستاپ «قازاقستان حالقىنا» قورى باسشىلىعىنا قايىرىمدىلىق جانە قازاقستانداعى ۇەۇ-نىڭ ينستيتۋتسيونالدىق دامۋى مەن الەۋمەتتىك جوبالاردى باسقارۋ سالاسىنداعى ساراپشى ءلاززات شىڭعىسباەۆا سايلاندى. ول بۇعان دەيىن «قازاقستان حالقىنا» قورى باسقارما توراعاسىنىڭ ورىنباسارى قىزمەتىن اتقارىپ، مەملەكەتتىك ناگرادا — «ەرەن ەڭبەگى ءۇشىن» مەدالىمەن، «اتامەكەن» ۇكپ قۇرمەتتى قىزمەتكەرى» مەدالىمەن ماراپاتتالعان.
سونداي-اق، قامقورشىلىق كەڭەس قور قىزمەتكەرلەرى سوفيا ايساعاليەۆانى باسقارما توراعاسىنىڭ ورىنباسارى، سەرىكبەك ەلشىبەكوۆتى «قازاقستان حالقىنا» قورىنىڭ باسقارما مۇشەسى ەتىپ سايلادى.
