«Qazaqstan halqyna» qoǵamdyq qoryn úsh jyl boıy basqarǵan Bolat Jámishev qyzmetinen ketti. Bul týraly qordyń baspasóz qyzmeti jarııalady, dep habarlaıdy “Adyrna” ulttyq portaly.
Bolat Jámishev basshylyq qyzmetke 2022 jyldyń qańtarynda taǵaıyndalǵan bolatyn. Basqarma tóraǵasy bolyp saılanǵan ókilettik merziminiń aıaqtalýyna baılanysty Bolat Jámishev qordaǵy jumysyn aıaqtaý týraly sheshim qabyldady.
«Qazaqstan halqyna» qoǵamdyq qory qamqorshylyq keńesiniń sheshimimen 2025 jyldyń 1 aqpanynan bastap «Qazaqstan halqyna» qory basshylyǵyna qaıyrymdylyq jáne Qazaqstandaǵy ÚEU-nyń ınstıtýıonaldyq damýy men áleýmettik jobalardy basqarý salasyndaǵy sarapshy Lázzat Shyńǵysbaeva saılandy. Ol buǵan deıin «Qazaqstan halqyna» qory Basqarma tóraǵasynyń orynbasary qyzmetin atqaryp, memlekettik nagrada — «Eren eńbegi úshin» medalimen, «Atameken» UKP qurmetti qyzmetkeri» medalimen marapattalǵan.
Sondaı-aq, qamqorshylyq keńes qor qyzmetkerleri Sofııa Aısaǵalıevany basqarma tóraǵasynyń orynbasary, Serikbek Elshibekovti «Qazaqstan halqyna» qorynyń basqarma múshesi etip saılady.
