ابىلاي مىرزاحمەتوۆتىڭ جازاسىن جەڭىلدەتۋ تۋرالى ءوتىنىشى قابىلدانبادى

«اتامەكەن» ۇلتتىق كاسىپكەرلەر پالاتاسىنىڭ بۇرىنعى باسقارما توراعاسى ابىلاي مىرزاحمەتوۆ جازاسىن جەڭىلدەتۋ ءۇشىن پاۆلودار قالاسى №2 سوتىنا ءوتىنىش بەرگەن. الايدا سوت ونىڭ جازاسىن جەڭىلدەتۋدەن باس تارتتى، دەپ حابارلايدى "ادىرنا" ۇلتتىق پورتالى.   28 قاڭتاردا پاۆلودار قالاسىنىڭ №2 سوتى مىرزاحمەتوۆتىڭ جازاسىن وتەلمەگەن بولiگiن نەعۇرلىم جەڭiل، ياعني باس بوستاندىعىن شەكتەۋ تۇرىندەگى جازاعا اۋىستىرۋ تۋرالى ءوتىنىشىن قارادى. سوت وعان قاتىستى بارلىق مالىمەتتەردى زەرتتەپ، قاتىسۋشىلاردىڭ پىكىرلەرىن تىڭداعان. ەگەر سوتتالۋشىنىڭ مىنەز-قۇلقىندا وڭ وزگەرىستەر بولسا، قىلمىستىق كودەكسكە سايكەس،  جازانى جەڭىلدەتۋ قاراستىرىلعان. الايدا، ابىلاي مىرزاحمەتوۆتىڭ مىنەز-قۇلقىنداوزگەرىستەر جوق بولعاندىقتان، ءوتىنىش قاناعاتتاندىرىلماعان. وسىلايشا، ونىڭ وتەلمەگەن جازاسى جەڭىلدەتىلمەدى. ايتا كەتۋ كەرەك، ابىلاي مىرزاحمەتوۆ 2023 جىلى 10 مامىردا ۇستالعان بولاتىن. ول 13,9 ميلليارد تەڭگە جىمقىردى دەگەن ايىپپەن 5 جىلعا باس بوستاندىعىنان ايرىلعان. سوت قاۋلىسى ءالى زاڭدى كۇشىنە ەنگەن جوق.