قازاقستاندا اي-92 ماركالى بەنزينىنىڭ باعاسى 210 تەڭگەگە دەيىن كوتەرىلۋى مۇمكىن، دەپ حابارلايدى "ادىرنا" ۇلتتىق پورتالى.
بۇل تۋرالى ەنەرگەتيكا ءمينيسترى الماسادام ساتقاليەۆ مالىمدەدى.
ءمينيستردىڭ ايتۋىنشا، العاشقى ءوسىم 5 تەڭگەدەن اسپايدى.
«ءبىز وسى كورسەتكىشتى نارىق قاتىسۋشىلارى ءۇشىن ينديكاتور رەتىندە قاراستىرامىز. ەگەر باعانىڭ كۇرت وسكەنىن بايقاساق، جەدەل ارەكەت ەتەمىز. جالپى، 210 تەڭگەگە دەيىن كوتەرىلۋى ىقتيمال»، – دەدى ساتقاليەۆ بريفينگتە.
ول بەنزين باعاسىنىڭ 400 تەڭگەگە دەيىن وسەتىنى تۋرالى بولجامداردىڭ شىندىققا جاناسپايتىنىن اتاپ ءوتتى.
«بۇل – نەگىزسىز ستسەناري. مۇنداي قىمباتتاۋعا جول بەرمەيمىز»، – دەدى مينيستر.
سونىمەن قاتار، ول اي-95 ماركالى بەنزينىنىڭ باعاسى رەتتەلمەيتىنىن جانە ءتىپتى ارزانداۋى مۇمكىن ەكەنىن ايتتى.